മസ്‌കറ്റ്: രണ്ട് മാസത്തിന് ശേഷം പശ്ചിമേഷ്യയില്‍ വീണ്ടും സംഘര്‍ഷം.ഒമാന്‍ തീരത്ത് ഇന്ത്യന്‍ ഇന്ധന ടാങ്കറിന് നേരെ ആക്രമണം. തീപ്പിടിച്ച കപ്പലിലെ 24 ജീവനക്കാരും ഇന്ത്യക്കാരാണ്. കപ്പലിലുള്ളവര്‍ സുരക്ഷിതരാണെന്ന് ഷിപ്പിംഗ് മന്ത്രാലയം അറിയിച്ചു.
അതേസമയം, ലബനനിലെ ആക്രമണങ്ങള്‍ക്ക് തിരിച്ചടിയായി ഇസ്രയേലി നഗരങ്ങളിലേക്ക് ഇറാന്‍ മിസൈല്‍ ആക്രമണം നടത്തി. രണ്ട് വ്യോമ താവളങ്ങളും ആക്രമിച്ചു. ഇതോടെ ഇറാന്‍ തലസ്ഥാനമായ ടെഹറാനിലും മറ്റു പ്രധാന നഗരങ്ങളിലും ഇസ്രയേല്‍ മിസൈലാക്രമണം നടത്തി.
അതേസമയം, ആക്രമണം നിര്‍ത്തിയെന്നും ഇനി ഇസ്രായേല്‍ ആക്രമിച്ചാല്‍ മാത്രമേ തിരിച്ചടിക്കൂവെന്നും ഇറാന്‍ അറിയിച്ചു.
പശ്ചിമേഷ്യയിലെ സംഭവവികാസങ്ങളില്‍ ഇന്ത്യ ആശങ്ക രേഖപ്പെടുത്തുകയും പൗരന്മാര്‍ക്ക് യാത്രാ മുന്നറിയിപ്പ് നല്‍കുകയും ചെയ്തു.നൂറു ദിവസമായി തുടരുന്ന സംഘര്‍ഷം മനുഷ്യ ദുരിതം കൂട്ടുകയാണെന്ന് വിദേശകാര്യമന്ത്രാലയം പറഞ്ഞു. ആഗോള തലത്തില്‍ ഉര്‍ജ്ജ സുരക്ഷയെയും സാമ്പത്തിക ഭദ്രതയെയും ഇത് ബാധിക്കുന്നു. എല്ലാ കക്ഷികളും നയതന്ത്ര നീക്കത്തിലൂടെ പ്രശ്‌നം പരിഹരിക്കണമെന്നും ഇന്ത്യ ആവശ്യപ്പെട്ടു. ഇറാനിലുളള ഇന്ത്യക്കാര്‍ സാധ്യമായ മാര്‍ഗത്തിലൂടെ മടങ്ങണമെന്ന് ഇന്ത്യന്‍ എംബസി നിര്‍ദ്ദേശിച്ചു.ഇസ്രയേലിലുള്ള ഇന്ത്യക്കാര്‍ ജാഗ്രത പാലിക്കണമെന്നും അധികൃതരുടെ നിര്‍ദ്ദേശങ്ങള്‍ പാലിക്കണമെന്നും വിദേശകാര്യമന്ത്രാലയം ആവശ്യപ്പെട്ടു.
