ആലപ്പുഴ:പിണറായി വിജയന് നിയമസഭയില് നനഞ്ഞ കോഴിയാണെന്ന് ജി സുധാകരന് എംഎല്എ. വെള്ളത്തില് വീണ് നനഞ്ഞ അവസ്ഥയാണ് നിലവില് പിണറായിയുടേത്.
ആലപ്പുഴയില് എംഎല്എ ഓഫീസ് ഉദ്ഘാടന വേളയിലായിരുന്നു ജി സുധാകരന് ഇങ്ങനെ പറഞ്ഞത്. നിയമസഭയിലെ മറ്റ് സിപിഎം നേതാക്കളെയും ജി സുധാകരന് പരിഹസിച്ചു.
സഭയിലെ സിപിഎം നേതാക്കളുടെ പ്രകടനം എല്ലാവരും കാണുന്നുണ്ടാകും. കെ.എന് ബാലഗോപാലനെ മുമ്പ് ഇങ്ങനെയാരെങ്കിലും സഭയില് കണ്ടിട്ടുണ്ടോ? അദ്ദേഹത്തിന് സഭയില് മിണ്ടാട്ടമില്ല.
വി ഡി സതീശനെതിരെ സംസാരിക്കാന് ഒരൊറ്റ സിപിഎം എംഎല്എയ്ക്കും സാധിക്കുന്നില്ല. എഴുന്നേറ്റ് നിന്ന് പറയാന് ആരെങ്കിലും വേണ്ടേയെന്ന് സുധാകരന് പരിഹസിച്ചു.
തോമസ് ഐസക്ക് ഉണ്ടായിരുന്നെങ്കില് എന്തെങ്കിലുമൊക്കെ പറഞ്ഞേനെ.ഇടത്തോട്ട് മുണ്ടുടുത്താല് മാത്രം ഇടതുപക്ഷം ആകില്ലെന്ന് ഇനിയെങ്കിലും നിങ്ങള് മനസിലാക്കണം. അതുപോലെ, വലത്തോട്ട് മുണ്ടുടുത്തെന്ന് കരുതി വലതുപക്ഷവുമാകില്ലെന്നും സുധാകരന് പറഞ്ഞു.
കോണ്ഗ്രസ് കഴിഞ്ഞാല് രാജ്യത്തെ ഏറ്റവും വലിയ മതനിരപേക്ഷ പാര്ട്ടി ലീഗാണ്! സിപിഎമ്മില് അംഗീകാരമുള്ള യുവജനനേതാവില്ലെന്നും സുധാകരന് വിമര്ശിച്ചു.
ഊന്നുവടിയില് നടക്കുന്ന പാര്ട്ടിയാണ് സിപിഎം.സമൂഹത്തില് സിപിഎമ്മിന്റെ വിശ്വാസ്യത നഷ്ടപ്പെട്ടുകൊണ്ടിരിക്കുകയാണ്. അടുത്തകാലത്തൊന്നും ഇവര് നന്നാകാന് പോകുന്നില്ലെന്നും ജി സുധാകരന് പറഞ്ഞു.
