കകമിഗഹാര: അണ്ടര് 18 പുരുഷ ഹോക്കി ഏഷ്യാകപ്പില് ഭാരതത്തിന് മൂന്നാം ഏഷ്യാകപ്പ്. ഫൈനലില് ആതിഥേയരായ ജപ്പാനെ 4-1ന് തകര്ത്താണ് ഭാവി പ്രതീക്ഷ അറിയിച്ചുകൊണ്ടുള്ള ഭാരതത്തിന്റെ വിജയം. അഷി താനി പുര്ത്തി ഭാരതത്തിനായി ഹാട്രിക് ഗോള് നേടി. ക്യാപ്റ്റന് കേതന് കുഷ് വാഹയും ഗോള് നേടി. ജപ്പാന് വേണ്ടി നുമാഡാ ഗക്കു ആശ്വാസഗോള് കണ്ടെത്തി.
ടൂര്ണമെന്റിലെ മികച്ച ഗോളിയായി ഭാരത്തിന്റെ ആയുഷ് രജക് തെരഞ്ഞെടുക്കപ്പെട്ടു. ഫൈനലിന്റെ താരമായി തെരഞ്ഞെടുക്കപ്പെട്ട ഹാട്രിക് ഗോള് ജേതാവ് ടൂര്ണമെന്റില് ഏറ്റവും കൂടുതല് ഗോളുകള്(13) നേടിയ താരവുമായി.
