കൊച്ചി: സഹകരണ സംഘങ്ങള്ക്ക് ഉപഭോക്തൃ സംരക്ഷണ നിയമം ബാധകമാണെന്ന് ഹൈക്കോടതി വ്യക്തമാക്കി. 1986 ലെ സഹകരണ സംഘ നിയമത്തിലെ വ്യവസ്ഥകള്, നിക്ഷേപങ്ങള് തിരിച്ചുപിടിക്കാന് ഉപഭോക്തൃ സംരക്ഷണ നിയമം പ്രയോഗിക്കാനുള്ള കടക്കാരുടെ അവകാശങ്ങള് ഇല്ലാതാക്കുന്നില്ലെന്ന് ജസ്റ്റിസ് എ.കെ. ജയശങ്കരന് നമ്പ്യാര് , ജസ്റ്റിസ് പ്രീത എ.കെ. എന്നിവരടങ്ങിയ ഡിവിഷന് ബെഞ്ച് നിരീക്ഷിച്ചു.
‘ 2019 ലെ നിയമത്തിലെ സെക്ഷന് 100 ന് അനുസൃതമായ 1986 ലെ നിയമത്തിലെ സെക്ഷന് 3, എന്നീ ഉപഭോക്തൃ സംരക്ഷണ നിയമത്തിലെ വ്യവസ്ഥകള് നിലവിലുള്ള മറ്റ് നിയമങ്ങളിലെ വ്യവസ്ഥകള്ക്ക് പുറമേയാണ്. സഹകരണ സംഘ നിയമം കടക്കാര്ക്ക് പണം വീണ്ടെടുക്കുന്നതിനുള്ള സൗകര്യം നല്കുന്നുണ്ടെങ്കിലും, ഉപഭോക്തൃ സംരക്ഷണ നിയമത്തിലെ വ്യവസ്ഥകള് പ്രയോഗിച്ച് തുക വീണ്ടെടുക്കാനുള്ള അവകാശത്തെ ഇല്ലാതാക്കുന്നില്ല . നിക്ഷേപ കാലാവധി കഴിഞ്ഞിട്ടും, സഹകരണ ബാങ്ക് തുക തിരികെ നല്കാഞ്ഞതിനെത്തുടര്ന്ന് നിക്ഷേപകന് ജില്ലാ ഉപഭോക്തൃ തര്ക്ക പരിഹാര കമ്മീഷനെ സമീപിച്ചു. 2021-ല് ജില്ലാ കമ്മീഷന് സഹകരണ ബാങ്കിനോട് 5 ലക്ഷം രൂപ 12% പലിശ സഹിതം തിരികെ നല്കാനും ചെലവും നഷ്ടപരിഹാരവുമായി 10,000 രൂപ നല്കാനും നിര്ദ്ദേശിച്ചു. ഇതിനെതിരെ ബാങ്ക് സമര്പ്പിച്ച ഹര്ജിയിലാണ് ഹൈക്കോടതിയുടെ വിധി.
കമ്മീഷന്റെ തീരുമാനമനുസരിച്ച് തുക തിരിച്ചടയ്ക്കാന് കോടതി 6 മാസത്തെ സമയം അനുവദിച്ചു.
