നൈനിറ്റാള്: വായ്പാ കരാറില് തിരിച്ചെടുക്കല് വ്യവസ്ഥ ചെയ്തിട്ടുണ്ടെന്നതിന്റെ പേരില് കുടിശ്ശിക ഈടാക്കുന്നതിനായി ബാങ്കുകള്ക്ക് നടപടിക്രമം പാലിക്കാതെ വാഹനം പടിച്ചെടുക്കാനാവില്ലെന്ന് ഉത്തരാഖണ്ഡ് ഹൈക്കോടതി. ബാങ്കുകള്ക്ക് നിയമം കൈയിലെടുക്കാന് അധികാരമില്ല. കരാര് വ്യവസ്ഥകള് നടപ്പാക്കുന്നത് നിയമസാധുതയ്ക്കും നടപടിക്രമങ്ങള്ക്കും അനുസൃതമായിരിക്കണമെന്ന് കോടതി വ്യക്തമാക്കി. വാഹനം കൈവശം വയ്ക്കാന് ഹര്ജിക്കാരനെ കോടതി അനുവദിച്ചു.
വായ്പാ കരാര് പ്രകാരം ധനസഹായം നല്കിയ വാണിജ്യ വാഹനം തിരിച്ചുപിടിക്കുന്നത് ചോദ്യം ചെയ്ത് ഐസിഐസിഐ ബാങ്കിനും മറ്റും എതിരെ സമര്പ്പിച്ച റിട്ട് ഹര്ജി പരിഗണിക്കുകയായിരുന്നു ജസ്റ്റിസ് പങ്കജ് പുരോഹിത്. വായ്പാ തുക ഇതിനകം തന്നെ തീര്പ്പാക്കിയിട്ടുണ്ടെന്നും എന്നാല് നിയമപരമായ നടപടിക്രമങ്ങള് പാലിക്കാതെ പ്രതികള് റിക്കവറി ഏജന്റുമാര് വഴി വാഹനം ബലമായി തിരിച്ചുപിടിച്ചുവെന്നും ഹര്ജിക്കാരന് വാദിച്ചു. ഹര്ജിക്കാരന്റെ പ്രാഥമിക ഉപജീവനമാര്ഗം വാഹനമാണെന്നും സര്ഫാസി നിയമപ്രകാരമുള്ള ഒരു അറിയിപ്പോ മറ്റ് നടപടിക്രമ സുരക്ഷാ മാര്ഗങ്ങളോ തിരിച്ചുപിടിക്കുന്നതിന് മുമ്പ് പാലിച്ചിട്ടില്ലെന്നും കോടതി വ്യക്തമാക്കി.
ബാങ്കുകള്ക്ക് നിയമം കൈയിലെടുക്കാന് അധികാരമില്ല, പിടിച്ചെടുത്ത വാഹനം വിട്ടുകൊടുത്ത് കോടതി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.