തിരുവനന്തപുരം: സര്‍ക്കാര്‍ സിസ്റ്റത്തോട് സഹകരിക്കുന്ന സര്‍ക്കാര്‍ ജീവനക്കാര്‍ക്ക് പൂര്‍ണ സംരക്ഷണമുണ്ടാകുമെന്ന് ആരോഗ്യ മന്ത്രി കെ മുരളീധരന്‍. ആരോഗ്യവകുപ്പ് ഡയറക്ടര്‍ സ്ഥാനത്തുനിന്ന് ഡോ കെ ജെ റീനയെ മാറ്റിയത് ഭരണത്തിന്റെ ഭാഗമായാണെന്നും അദ്‌ദേഹം വ്യക്തമാക്കി. റീനയോട് സര്‍ക്കാര്‍ സംയമനം പാലിച്ചു. ആരോടും പ്രതികാരമില്ല. തത്തുല്യമായ പദവിയാണ് ഡോ റീനയ്‌ക്ക് നല്‍കിയതെന്നും മന്ത്രി പറഞ്ഞു.
തര്‍ക്കം ഒരിക്കലും പ്രതിരോധ പ്രവര്‍ത്തനങ്ങളെ ബാധിച്ചിട്ടില്ല. ഇതിനൊന്നും ഇത്ര പ്രാധാന്യം കൊടുക്കേണ്ടതില്ലെന്നും രാഷ്‌ട്രീയ ആയുധമാക്കേണ്ടതില്ലെന്നും മന്ത്രി പറഞ്ഞു. ഡോ. മീനാക്ഷി നല്ല രീതിയില്‍ പ്രവര്‍ത്തിക്കുന്നുണ്ട്.
കഴിഞ്ഞ സര്‍ക്കാരിന്റെ കാലത്ത് നിയമിച്ച പലരെയും മാറ്റിയിട്ടില്ല. അവര്‍ സിസ്റ്റത്തോട് സഹകരിക്കുന്നുണ്ട്. സര്‍ക്കാരിന്റെ നയങ്ങളോട് സഹകരിക്കുന്നവര്‍ക്ക് സഹായം ഉണ്ടാകും. സ്ഥിരം ഡിഎച്ച്എസിനെക്കുറിച്ച് ആലോചിച്ചു ഉടന്‍ തീരുമാനമെടുക്കുമെന്ന് മന്ത്രി പറഞ്ഞു.
