മലപ്പുറം: കൊട്ടിയൂര് ക്ഷേത്രത്തില് ‘വാവോലി കെട്ട്’ നടത്താനുള്ള മുസ്ലിം സമൂഹത്തിന്റെ അവകാശവാദത്തെ കുറിച്ച് ജുഡീഷ്യല് അന്വേഷണം നടത്തണമെന്ന് ഹിന്ദു ഐക്യവേദി സംസ്ഥാന സെക്രട്ടറി പി.വി. മുരളീധരന്.
കൊട്ടിയൂരില് ഹൈന്ദവ വിശ്വാസികള് വൈശാഖ മാസത്തില് വ്രതമെടുത്ത് ബാവലി പുഴയില് കുളിച്ച് ദര്ശനം നടത്തുന്ന സമയത്ത്, കര്ണാടകയിലെ സര്ക്കാരില് ബന്ധമുള്ള ഷാഹിദ് പോലീസ് സഹകരണത്തോടെ കൊട്ടിയൂര് ക്ഷേത്രത്തില് എത്തി പുഴയില് ഇറങ്ങി കരിങ്കല്ലെടുത്ത് വെച്ച് പ്രതീകാത്മകമായി ‘വാവോലി കെട്ട്’ നടത്തുകയും ഇത് മുസ്ലിം സമൂഹത്തിന്റെ അവകാശമാണെന്ന് സാമൂഹ്യമാധ്യമങ്ങളില് പ്രചരിപ്പിക്കുന്നതിന്റെ പിന്നില് ആസൂത്രിത പദ്ധതിയാണ്. സനാതന ധര്മത്തെ അപമാനിക്കുന്ന പദ്ധതികള് കുറച്ച് കാലമായി കേരളത്തില് നടന്ന് കൊണ്ടിരിക്കുന്നു. ഏരുമേലി പള്ളി വന്നത് പോലെ കൊട്ടിയൂരും നടപ്പിലാക്കാനാണ് പദ്ധതിയെങ്കില് ഹൈന്ദവ സംഘടനകള് ശക്തമായി പ്രതികരിക്കും. കൊട്ടിയൂര് ദേവസ്വം നടത്തുന്ന നിയമ പേരാട്ടത്തിന് പിന്തുണ നല്കുമെന്നും അദ്ദേഹം വാര്ത്താ കുറിപ്പില് വ്യക്തമാക്കി.
