കൊച്ചി: ഹിന്ദു ഐക്യവേദി സംസ്ഥാന അധ്യക്ഷന് ആര്.വി. ബാബുവിനെതിരെ കേസെടുത്ത നടപടി, സംസ്ഥാന ആഭ്യന്തരവകുപ്പിന്റെയും പോലീസിന്റെയും ഇസ്ലാമിക പ്രീണനവും ഇരട്ടത്താപ്പും തുറന്ന് കാണിക്കുന്നതാണെന്ന് ഹിന്ദു ഐക്യവേദി സംസ്ഥാന സമിതി യോഗം.
ലഹരി മരുന്ന് കേസുകളിലെ പ്രതികള് ഭൂരിഭാഗവും ഒരു പ്രത്യേക മത വിഭാഗത്തില് നിന്നുള്ളവരാണെന്ന ആര്.വി. ബാബുവിന്റെ പരാമര്ശത്തിനെതിരെയാണ് കേസെടുത്തിരിക്കുന്നത്. കഴിഞ്ഞ അഞ്ച് വര്ഷക്കാലയളവിലെ മാത്രം സംസ്ഥാനത്തെ വിവിധ പോലീസ് സ്റ്റേഷനുകളില് സിന്തറ്റിക് മയക്കുമരുന്ന് കൈവശം വെക്കല്, വില്പന മുതലായ സംഭവങ്ങളെ തുടര്ന്ന് രജിസ്റ്റര് ചെയ്യപ്പെട്ടിരിക്കുന്ന കേസുകളിലെ പ്രതി പട്ടിക പരിശോധിച്ചാല് ഇത് ബോധ്യമാകുന്നതാണ്. ഇതേ കാര്യം മുന് മന്ത്രിയായിരുന്ന കെ.ടി. ജലീല്, പൊതുവേദിയില് പ്രസംഗിച്ചപ്പോള് മൗനം പാലിച്ച പോലീസാണ് ഇപ്പോള് ആര്.വി. ബാബുവിനെതിരെ കേസെടുത്തിരിക്കുന്നത്.
യുഡിഎഫ് സര്ക്കാരിന്റെ യജമാനന്മാരായ മുസ്ലിം ലീഗിനെയും ഇതര ഇസ്ലാമിക മതമൗലികവാദ പ്രസ്ഥാനങ്ങളെയും പ്രീതിപ്പെടുത്താന് ഉദ്ദേശിച്ചുള്ള നടപടിയാണിത്. കഴിഞ്ഞ കാലങ്ങളില് ആവിഷ്കാര സ്വാതന്ത്ര്യത്തിന്റെ പേരില് ഓണ്ലൈനിലും അല്ലാതെയും നിരവധി ഹിന്ദുവിരുദ്ധ വിഷയങ്ങള് ഉയര്ന്നപ്പോള് കേസെടുക്കാതെ നിസംഗത പുലര്ത്തിയ പോലീസ്, പിഡിപി നേതാവിന്റെ പരാതിയില് ആര്.വി. ബാബുവിനെതിരെ ഉത്സാഹപൂര്വം കേസെടുത്തിരിക്കുന്നത് ഇതിന്റെ തെളിവാണ്. കഴിഞ്ഞ വിഷുവിന് ഭഗവാന് ശ്രീകൃഷ്ണനെ അവഹേളിച്ച് റസ്റ്റോറന്റുകളുടെ പോസ്റ്ററുകള് ഇറങ്ങിയപ്പോള് അവര്ക്കെതിരെ പോലീസിനെ കൊണ്ട് കേസെടുപ്പിക്കുന്നതിന് ഹിന്ദു സംഘടനകള്ക്ക് തെരുവിലിറങ്ങേണ്ടിവന്നു എന്നത് ഈ സാഹചര്യത്തില് പ്രത്യേകം ഓര്ക്കണം. ഹിന്ദു ഐക്യവേദി പ്രസിഡന്റിനെതിരെ കള്ളക്കേസ് ചമച്ച് കേരളത്തില് വളര്ന്ന് പടര്ന്നുപന്തലിച്ച മയക്കുമരുന്നു മാഫിയകളെ വെള്ളപൂശാനും അതില് അറിഞ്ഞോ അറിയാതെയോ ഭാഗഭാക്കാവുന്ന ഒരു പ്രത്യേക മതവിഭാഗത്തിലെ ചിലരെ രക്ഷിച്ചെടുക്കുവാനും ഉള്ള പരിശ്രമമാണ് ഇതിന് പുറകില് എന്നും ഹിന്ദു ഐക്യവേദി ആരോപിച്ചു.
ജനാധിപത്യ പ്രക്രിയയിലൂടെ അധികാരത്തില് കയറിയ യുഡിഎഫ് സര്ക്കാര് ഹിന്ദുക്കളെ രണ്ടാംതരം പൗരന്മാരായി കാണാനാണ് ശ്രമിക്കുന്നതെങ്കില് പ്രത്യാഘാതം ഗുരുതരമായിരിക്കുമെന്നും ഹിന്ദു ഐക്യവേദി സംസ്ഥാന സമിതി പ്രസ്താവനയില് അറിയിച്ചു. മുഖ്യരക്ഷാധികാരി കെ.പി. ശശികല ടീച്ചറുടെ അധ്യക്ഷതയില് കൂടിയ യോഗത്തില് സംസ്ഥാന കാര്യാധ്യക്ഷന് പ്രൊഫ. ഗോപിനാഥ്, ഉപാധ്യക്ഷന് വത്സന് തില്ലങ്കേരി, ജനറല് സെക്രട്ടറിമാരായ കെ.പി. ഹരിദാസ്, പി. സുധാകരന്, മഞ്ഞപ്പാറ സുരേഷ്, കെ. ഷൈനു, സംഘടനാ സെക്രട്ടറി സി. ബാബു, സഹ സംഘടന സെക്രട്ടറി വി. സുശികുമാര് എന്നിവര് സംസാരിച്ചു.
