തിരുവനന്തപുരം: മാസപ്പടി കേസില് തുടര് കാര്യങ്ങള്ക്കായി ഇഡി (എന്ഫോഴ്സ്മെന്റ് ഡയറക്ടറേറ്റ്) ഡയറക്ടര് കൊച്ചിയിലെത്തി.പ്രതിപക്ഷ നേതാവ് പിണറായി വിജയന്റെ മകള് വീണ വിജയന് അടക്കമുഉള്ളവര്ക്കെതിരായ തുടര്നീക്കം വെളളിയാഴ്ച തീരുമാനിക്കും.
വീണയുടെ വീട്ടില് പരിശോധനയ്ക്കെത്തിയ ഇഡി ഉദ്യോഗസ്ഥരെ സി പി എം പ്രവര്ത്തകര് ആക്രമിച്ചതിലും ചര്ച്ച നടക്കും. ഉന്നത ഉദ്യോഗസ്ഥരുടെ യോഗമാണ് ചേരുക. കരിമണല് കമ്പനി സിഎംആര്എല് നല്കിയ കേസില് വെളളിയാഴ്ച ഹൈക്കോടതി വിധി വരാനിരിക്കെയാണ് ഉന്നതര് കൊച്ചിയില് എത്തിയത്.
ഹൈക്കോടതി സിംഗിള് ബെഞ്ചിന്റെ ഉത്തരവിന് പിന്നാലെയാണ് ഇഡി പ്രതിപക്ഷ നേതാവ് പിണറായി വിജയന്റെ വീട്ടിലടക്കം റെയ്ഡ് നടത്തിയത്.സി എം ആര് എല് കമ്പനി മേധാവികളുടെ വീടുകളിലും ഓഫീസുകളിലും റെയ്ഡ് നടത്തിയിരുന്നു. തുടര്ന്നാണ് സി.എം.ആര്.എല് കമ്പനി ഹൈക്കോടതിയില് അപ്പീല് നല്കിയത്. മുഖ്യമന്ത്രി പിണറായി വിജയന്റെ മകള് വീണ വിജയന്റെ കമ്പനിയായ എക്സാലോജിക് സൊല്യൂഷന്സിന് സേവനം നല്കാതെ 1.72 കോടി രൂപ നല്കിയെന്നതാണ് കേസിലെ പ്രധാന വിഷയം. ഹൈക്കോടതി വിധിക്കും റെയ്ഡിനും പിന്നാലെ സി.എം.ആര്.എല് എം.ഡി ശശിധരന് കര്ത്ത ഉള്പ്പെടെയുള്ളവര്ക്ക് ഇ.ഡി വീണ്ടും സമന്സ് അയക്കാനൊരുങ്ങവെയാണ് കമ്പനി ഡിവിഷന് ബെഞ്ചിനെ സമീപിച്ചത്.
