വഡോദര : ബംഗ്ലാദേശികൾക്കെതിരെ പിടിമുറുക്കുകയാണ് ബിജെപി ഭരിക്കുന്ന സംസ്ഥാനങ്ങൾ . അസമിനും, യുപിയ്ക്കും, ബംഗാളിനും, മഹാരാഷ്ട്രയ്ക്കും പിന്നാലെ ബംഗ്ലാദേശികളെ നാടു കടത്താനുള്ള നീക്കം ആരംഭിച്ചിരിക്കുകയാണ് ഗുജറാത്തും . 290 അനധികൃത കുടിയേറ്റക്കാരെയാണ് ഗുജറാത്ത് പൊലീസ് അറസ്റ്റ് ചെയ്തിരിക്കുന്നത് . അതിൽ 166 പേർ ബംഗ്ലാദേശി പൗരന്മാരാണെന്ന് തിരിച്ചറിഞ്ഞിട്ടുണ്ട്. അഹമ്മദാബാദ്, സൂറത്ത്, രാജ്കോട്ട്, വഡോദര എന്നിവിടങ്ങളിൽ നടത്തിയ തെരച്ചിലിലാണ് ഇവർ പിടിയിലായത്.
റിപ്പോർട്ടുകൾ പ്രകാരം, ജൂൺ 2 ന്, ലോക്കൽ പോലീസിന്റെയും ക്രൈം ബ്രാഞ്ചിന്റെ സ്പെഷ്യൽ ഓപ്പറേഷൻസ് ഗ്രൂപ്പിന്റെയും (എസ്ഒജി) സംയുക്ത ഓപ്പറേഷനിലാണ്, തിരച്ചിൽ ആരംഭിച്ചത്. ചന്ദോള, ഗുലാബ്നഗർ, ഖോഡിയാർനഗർ എന്നിവയുൾപ്പെടെ വിവിധ സ്ഥലങ്ങളിൽ തിരച്ചിൽ നടത്തിയതായി അഹമ്മദാബാദിലെ ജെസിപി ക്രൈം ബ്രാഞ്ച്, ശരദ് സിംഗാൾ പറഞ്ഞു. 290 ലധികം പേരെ പോലീസ് കസ്റ്റഡിയിലെടുത്തിട്ടുണ്ട്.നിയമവിരുദ്ധമായി കുടിയേറിയ ബംഗ്ലാദേശി പൗരന്മാരിൽ 95 പേർ സ്ത്രീകളാണെന്ന് പോലീസ് കമ്മീഷണർ ജി.എസ്. മാലിക് പറഞ്ഞു
