കോഴിക്കോട്: കാഫിര് സ്ക്രീന് ഷോട്ട് പ്രത്യേക സംഘം അന്വേഷിക്കും. കോഴിക്കോട് റൂറല് എസ്പിയുടെ നേതൃത്വത്തിലുളള അന്വേഷണം കണ്ണൂര് ഡിഐജി ഏകോപിപ്പിക്കും.
വിഷയവുമായി ബന്ധപ്പെട്ട പുനരന്വേഷണത്തിന് പാറക്കല് അബ്ദുള്ള എംഎല്എ നിവേദനം നല്കിയിരുന്നു. നേരത്തെ, പ്രതികളിലേക്ക് എത്താന് കഴിഞ്ഞില്ലെന്ന് കാട്ടി പൊലീസ് കോടതിയില് റിപ്പോര്ട്ട് നല്കിയിരുന്നു. ഫൊറന്സിക് റിപ്പോര്ട്ടും പുറത്ത് വന്നില്ല. സ്ക്രീന്ഷോട്ട് സന്ദേശം ആര് സൃഷ്ടിച്ചുവെന്ന് ഇതുവരെ കണ്ടെത്തിയിട്ടില്ല.
ലോക്സഭാ തിരഞ്ഞെടുപ്പില് വലിയ കോളിളക്കമാണ് കാഫിര് സ്ക്രീന് ഷോട്ട് സൃഷ്ടിച്ചത്.രണ്ട് വര്ഷത്തോളം അന്വേഷണം നീണ്ടു. സിപിഎമ്മാണ് സ്ക്രീന്ഷോട്ടിന് പിന്നിലെന്നാണ് യുഡിഎഫ് ആരോപണം. 2024-ലെ ലോക്സഭാ തിരഞ്ഞെടുപ്പ് വേളയില് എല്ഡിഎഫ് സ്ഥാനാര്ഥിയായിരുന്ന കെ കെ ശൈലജയ്ക്കെതിരെ കാഫിര് സ്ക്രീന്ഷോട്ട് പ്രചരിപ്പിച്ചുവെന്നതാണ് വിവാദം. കേസില് ആദ്യം എംഎസ്എഫ് നേതാവ് മുഹമ്മദ് കാസിമിനെതിരെ കേസെടുത്തിരുന്നു. എന്നാല് അദ്ദേഹത്തിന്റെ പങ്ക് തെളിയിക്കപ്പെട്ടില്ലെന്ന് ഹൈക്കോടതി കണ്ടെത്തി.
അമ്പാടിമുക്ക് സഖാക്കള് ഫേസ്ബുക്ക് ഗ്രൂപ്പിന്റെ അഡ്മിന് മനീഷ്, റെഡ് ബറ്റാലിയന് വാട്സ്ആപ്പ് ഗ്രൂപ്പില് പോസ്റ്റ് ചെയ്ത അമല് റാം, റെഡ് എന്കൗണ്ടര് ഗ്രൂപ്പില് പോസ്റ്റ് ചെയ്ത റിബേഷ്, പോരാളി ഷാജി തുടങ്ങിയ ഇടത് സൈബര് പോരാളികള് സന്ദേശം പ്രചരിപ്പിച്ചുവെന്നാണ് പൊലീസ് റിപ്പോര്ട്ട്.
