ന്യൂദല്ഹി: ഓണ്ലൈന് വാതുവെപ്പും ഗെയിമുകളിലെ വാതുവെപ്പും നിരോധിക്കുന്ന തമിഴ്നാട്, കര്ണാടക നിയമങ്ങളുടെ ഭരണഘടനാ സാധുത സുപ്രിം കോടതി ശരിവച്ചു. ഭരണഘടനയുടെ ഏഴാം ഷെഡ്യൂളിലെ ലിസ്റ്റ് II ലെ എന്ട്രി 34 പ്രകാരം സ്കില് ഗെയിമുകളിലെ വാതുവെപ്പ് നിയന്ത്രിക്കാനും നിരോധിക്കാനും സംസ്ഥാനങ്ങള്ക്ക് അധികാരമുണ്ടെന്ന് ജസ്റ്റിസ് ജെ ബി പര്ദിവാല, ജസ്റ്റിസ് ആര് മഹാദേവന് എന്നിവരടങ്ങിയ ബെഞ്ച് വ്യക്തമാക്കി. സ്കില് ഗെയിമുകള്ക്ക് ലഭ്യമായ ഭരണഘടനാ സംരക്ഷണം അത്തരം ഗെയിമുകളില് നടത്തുന്ന വാതുവെപ്പിന് ബാധകമല്ലെന്ന് കോടതി പറഞ്ഞു.
ഓണ്ലൈന് ഗെയിമിംഗ് കമ്പനികള്ക്ക് വാതുവെപ്പും ചൂതാട്ടവും ഉള്പ്പെടുന്ന വ്യാപാരം നടത്താന് ആര്ട്ടിക്കിള് 19(1)(ജി) പ്രകാരം മൗലികാവകാശമില്ല.
കമ്പ്യൂട്ടറുകള്, മൊബൈല് ആപ്ലിക്കേഷനുകള്, മറ്റ് ഡിജിറ്റല് പ്ലാറ്റ്ഫോമുകള് എന്നിവയിലൂടെ നടത്തുന്ന ഓണ്ലൈന് ഗെയിമിംഗ് ലക്ഷ്യമിട്ടുള്ള ഭേദഗതികള് റദ്ദാക്കിയ മദ്രാസ്, കര്ണാടക ഹൈക്കോടതികളുടെ വിധിന്യായങ്ങള്ക്കെതിരെ അതതു സംസ്ഥാനങ്ങള് സമര്പ്പിച്ച അപ്പീലുകള് പരിഗണിക്കുകയായിരുന്നു സുപ്രിം കോടതി.
ഓണ്ലൈന്, ഗെയിം വാതുവെപ്പുകള് നിരോധിച്ച നിയമഭേദഗതി ശരിവച്ച് സുപ്രിം കോടതി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.