ന്യൂദല്‍ഹി: തെരുവില്‍ അലഞ്ഞുതിരിയുന്ന കന്നുകാലികള്‍ മൂലമുണ്ടാകുന്ന അപകടങ്ങളില്‍പ്പെടുന്നവര്‍ക്ക് നഷ്ടപരിഹാരം നല്‍കുന്നതിനും ബന്ധപ്പെട്ട നിയമങ്ങള്‍ കര്‍ശനമായി നടപ്പാക്കുന്നുവെന്ന് ഉറപ്പാക്കുന്നതിനുമുള്ള സംവിധാനം ഏര്‍പ്പെടുത്തണമെന്ന് സുപ്രീം കോടതി കേന്ദ്ര-സംസ്ഥാന സര്‍ക്കാരുകളോട് ആവശ്യപ്പെട്ടു. കന്നുകാലി ടാഗിംഗ് നിര്‍ബന്ധമാക്കണം.
ദേശീയപാതകളില്‍ അലഞ്ഞുതിരിയുന്ന കന്നുകാലികള്‍ മരണത്തിലേക്കുള്ള നിരന്തരമായ ക്ഷണമാണെന്ന് കോടതി നിരീക്ഷിച്ചു. അലഞ്ഞു തിരിയുന്ന കാലികള്‍ വാഹനമോടിക്കുന്നവര്‍ക്കും കാല്‍നടയാത്രക്കാര്‍ക്കും ഒരുപോലെ മാരകമാകും.
2018 ല്‍ ഇന്ത്യയിലുടനീളം 1,130 പേരും, 2019 ല്‍ 1,425 പേരും, 2020 ല്‍ 1,305 പേരും ഇത്തരം സംഭവങ്ങളില്‍ മരിച്ചിട്ടുണ്ടെന്ന് കോടതി ചൂണ്ടിക്കാട്ടി.
