ഹരിത സമ്മേളനം നടത്തി പരിസ്ഥിതി ദിനാഘോഷം

തിരുവനന്തപുരം:  സഹ്യാദ്രി നാച്ചുറൽ ഹിസ്റ്ററി സൊസൈറ്റിയുടെ ലോകപരിസ്ഥിതി ദിനത്തോടനുബന്ധിച്ച ഹരിത സമ്മേളനം നടന്നു.  പ്രകൃതി ഫോട്ടോഗ്രഫി പ്രദർശനത്തോടുകൂടി ആരംഭിച്ച പരിപാടിയിൽ
ജില്ലയിലെ ഹൈസ്കൂൾ കുട്ടികൾക്കായി പരിസ്ഥിതി ക്വിസ് മത്സരം നടന്നു.
നടനും സംവിധായകനും എഴുത്തുകാരനുമായ മധുപാൽ സമാപന സമ്മേളനം ഉദ്ഘാടനം ചെയ്തു. പ്രശസ്ത ചിത്രകാരൻ ബി. ഡി. ദത്തൻ, ചരിത്ര സാഹിത്യകാരൻ ഡോ. എം. ജി. ശശിഭൂഷൺ, പ്രമുഖ പത്രപ്രവർത്തകൻ വി.എസ്. രാജേഷ് തുടങ്ങിയവർ സംബന്ധിച്ച ചടങ്ങിൽ
വച്ച് ഡോ. എൻ മോഹനന് 2026- ലെ പരിസ്ഥിതിസേവാ പുരസ്കാരവും, കെ കെ. ലതികയ്‌ക്ക് പരിസ്ഥിതിസാഹിത്യപുരസ്കാരവുംരാഹുൽ വിജയൻ, സതീഷ് കുമാർ, ജയകൃഷ്ണൻ, അനന്തു എന്നിവർക്ക് പ്രകൃതി ഫോട്ടോഗ്രാഫി പുരസ്കാരങ്ങളും സമ്മാനിച്ചു.
ഡോ.ടി.ആർ. ജയകുമാരി അദ്ധ്യക്ഷ യായിരുന്ന ചടങ്ങിൽ ആർ. വിനോദ് കുമാർ, ജി.ആർ. പ്രകാശ് എന്നിവർ സംസാരിച്ചു. ഡോ. ടി. ആർ. ജയകുമാരി രചിച്ച അഞ്ചു ശാസ്ത്ര വൈജ്ഞാനിക ഗ്രന്ഥങ്ങൾ വി.എസ്. രാജേഷിന് നൽകി ഡോ. എം. ജി. ശശിഭൂഷൻ പ്രകാശിപ്പിച്ചു.
ക്വിസിൽ പങ്കെടുത്ത എല്ലാ കുട്ടികൾക്കും പുസ്തകങ്ങളും സർട്ടിഫിക്കറ്റുകളും നൽകിയതിന് പുറമെ ഒന്നു രണ്ടു മൂന്നു സ്ഥാനക്കാർക്ക് ക്യാഷ് പ്രൈസും മെഡലും സമ്മാനിച്ചു.