ഹൈന്ദവ വിശ്വാസപ്രകാരം ആയുസിന്റെയും, ആരോഗ്യത്തിന്റെയും ദേവതയാണ് ധന്വന്തരി. ദേവന്മാരുടെ വൈദ്യനും, ആയുർവേദത്തിന്റെ ദേവനുമാണ് ധന്വന്തരി. രോഗമുക്തിയ്ക്കായി ചികിത്സയ്ക്കൊപ്പം ധന്വന്തരി മൂർത്തിയെ പ്രാർത്ഥിക്കുന്നതും ഏറെ ഗുണകരമാണ്.
പാലാഴി മഥനസമയത്ത് കൈകളിൽ അമൃതകുംഭവുമായി ഉയർന്നു വന്ന മഹാവിഷ്ണുവിന്റെ അവതാരമാണ് ധന്വന്തരി ഭഗവാൻ.ആ അമൃത് പാനം ചെയ്തതോടെ ദേവന്മാരുടെ ജരാനരകൾ മാറി അവർ ആരോഗ്യം വീണ്ടെടുത്തു.ചതുർബാഹു രൂപത്തിലാണ് ഭഗവാനെ ആരാധിക്കുന്നത്.പാല്പ്പായസവും കദളിപ്പളവുമാണ് ധന്വന്തരി മൂര്ത്തിയുടെ ഇഷ്ട നിവേദ്യങ്ങള്
രോഗശാന്തിയ്ക്കായി ഗ്രഹങ്ങളുടെ അവസ്ഥ അനുസരിച്ച് അതത് ഗ്രഹങ്ങളെ പ്രതിനിധാനം ചെയ്യുന്ന മന്ത്രങ്ങൾ ജപിക്കുന്നത് നല്ലതാണ്. അതിൽ ധന്വന്തരി മന്ത്രം ഏറ്റവും ശക്തമാണെന്ന് പറയപ്പെടുന്നു.
ന്വന്തരി ഗായത്രീ മന്ത്രം:
ഓം വാസുദേവായ വിദ്മഹേ
വൈദ്യരാജായ ധീമഹി
തന്നോ ധന്വന്തരി പ്രചോദയാത്
ശ്രീ ധന്വന്തരീ ധ്യാനശ്ലോകം ജപിച്ച ശേഷം ധന്വന്തരി മന്ത്രം നൂറ്റെട്ട് തവണ ജപിക്കാവുന്നതാണ്
ശ്രീ ധന്വന്തരീ ധ്യാനശ്ലോകം
ശംഖം ചക്രം ജളൂകം ദധതമമൃത
കുംഭം ച ദോർഭിശ്ചതുർഭി:
സൂക്ഷ്മസ്വച്ഛാതിഹൃദ്യാം
ശുകപരിവിലസൻമൗലിമംഭോജനേത്രം
കാളാംഭോദോജ്വലാഭം കടിതടവിലസത് ചാരു പീതാംബരാഢ്യം
വന്ദേ ധന്വന്തരിം തം നിഖിലഗദവന പ്രൗഢദാവാഗ്നിലീലം
ധന്വന്തരി മന്ത്രം
“ഓം നമോ ഭഗവതേ വാസുദേവായ
ധന്വന്തരയേ അമൃതകലശഹസ്തായ
സർവാമയവിനാശായ
ത്രൈലോക്യനാഥായ
മഹാവിഷ്ണവേ നമഃ “
