ന്യൂദല്ഹി: അഞ്ച് ജഡ്ജിമാര് കൂടി ഇന്ന് സത്യപ്രതിജ്ഞ ചെയ്ത് സ്ഥാനമേറ്റതോടെ സുപ്രീം കോടതി ജഡ്ജിമാരുടെ എണ്ണം 37 ആയി. കഴിഞ്ഞ മാസം പുറപ്പെടുവിച്ച ഓര്ഡിനന്സിലൂടെ കേന്ദ്രസര്ക്കാര് സുപ്രീം കോടതിയുടെ അനുവദനീയമായ ജഡ്ജിമാരുടെ എണ്ണം 34 ല് നിന്ന് ചീഫ് ജസ്റ്റിസ് ഉള്പ്പെടെ 38 ആയി വര്ദ്ധിപ്പിച്ചതിനെ തുടര്ന്നാണ് പുതിയ നിയമനങ്ങള്.
സത്യപ്രതിജ്ഞാ ചടങ്ങ് രാവിലെ സുപ്രീം കോടതിയില് നടന്നു. ഇനി ഒരു ഒഴിവ് കൂടിയുണ്ട്. മുതിര്ന്ന അഭിഭാഷക വെങ്കിട സുബ്രഹ്മണി മോഹന, ബോംബെ ഹൈക്കോടതി ചീഫ് ജസ്റ്റിസ് ജസ്റ്റിസ് ശ്രീചന്ദ്രശേഖര്, പഞ്ചാബ്-ഹരിയാന ഹൈക്കോടതി ചീഫ് ജസ്റ്റിസ് ഷീല് നാഗു, മധ്യപ്രദേശ് ഹൈക്കോടതി ചീഫ് ജസ്റ്റിസ് സഞ്ജീവ് സച്ച്ദേവ, ജമ്മു കശ്മീര്, ലഡാക്ക് ഹൈക്കോടതി ചീഫ് ജസ്റ്റിസ് അരുണ് പള്ളി എന്നിവരുടെ നിയമനങ്ങള് കഴിഞ്ഞ ദിവസം കേന്ദ്രസര്ക്കാര് അംഗീകരിച്ചിരുന്നു. മെയ് 27 നാണ് സുപ്രീം കോടതി കൊളീജിയം നിയമനശുപാര്ശ നല്കിയത്. നാല് ദിവസത്തിനുള്ളില് അഞ്ച് പേരുകളും സര്ക്കാര് അംഗീകരിച്ചു.
