കൊച്ചി : തമിഴ്നാട്ടിൽ കെ അണ്ണാമലൈ ബിജെപി വിടുന്നുവെന്നും , പുതിയ പാർട്ടി രൂപീകരിക്കുന്നുവെന്നുമുള്ള വാർത്തകളാണ് മാധ്യമങ്ങൾ പ്രചരിപ്പിക്കുന്നത് . എന്നാൽ ഈ അഭ്യൂഹം അണ്ണാമലൈ തന്നെ തള്ളിയിരുന്നു. കേന്ദ്രനേതാക്കളുമായി ചര്‍ച്ചയ്‌ക്കായി അടിയന്തരമായി ദല്‍ഹിയ്‌ക്ക് പോയിരിക്കുകയാണ് അണ്ണാമലൈ. അടുത്ത രണ്ട് ദിവസം താന്‍ ദല്‍ഹിയില്‍ ചര്‍ച്ചകളിലായിരിക്കുമെന്നും ദയവായി അഭ്യൂഹങ്ങള്‍ പരത്തരുതെന്നും അണ്ണാമലൈ പറഞ്ഞു.ഇപ്പോൾ ഈ വിഷയത്തിൽ പ്രതികരിച്ച് രംഗത്തെത്തിയിരിക്കുകയാണ് ബിജെപി നേതാവ് യുവരാജ് ഗോകുൽ.
‘ എല്ലാവരും സ്ഥാനത്തിന് വേണ്ടി വന്ന് ചേരുന്നവരാകണം എന്നില്ല….
എന്തെങ്കിലും ഈ രാഷ്‌ട്രത്തിന് വേണ്ടി ചെയ്യണം എന്നാഗ്രഹിച്ച് വരുന്നവരുണ്ടാകും….
അവര്‍ക്ക് വേണ്ടത് സ്ഥാനമാകില്ല….
അണ്ണാമലൈ സ്ഥാനത്തിന് വേണ്ടിയല്ലാതെ നിലപാടിനായി പോരാടുന്ന ഒരാളാണ്….
തീര്‍ച്ചയായും ഇപ്പോള്‍ പരത്തുന്നത് വ്യാജ വാര്‍ത്തകളുമാകും….
പരിഭവം ഉണ്ടെങ്കില്‍ തന്നെ അത് സ്ഥാനത്തെ ചൊല്ലിയല്ല പകരം ശൈലിയെ ചൊല്ലി മാത്രമാകും…. മന്ത്രിക്കസേരയൊന്നുമല്ല അദ്ദേഹത്തെ മോഹിപ്പിക്കുന്നത്…. തമിഴ്നാടിനെ ദേശീയതയ്‌ക്കൊപ്പം നിര്‍ത്താന്‍ പ്രയത്നിക്കുക എന്നത് മാത്രമാണ്….
തീര്‍ച്ചയായും അദ്ദേഹം നിരാശപ്പെടുത്തില്ല…. മാപ്രകള്‍ നിരാശരാകേണ്ടിയും വരും ‘ എന്നാണ് യുവരാജിന്റെ വാക്കുകൾ.
