തിരുവനന്തപുരം: പി എം ശ്രീയില് യുഡിഎഫ് സര്ക്കാരിന് കൃത്യമായ നിലപാടുണ്ടെന്ന് പൊതുവിദ്യാഭ്യാസ മന്ത്രി എന് ഷംസുദ്ദീന്. മുന് സര്ക്കാര് ഒപ്പിട്ട് ഫണ്ടും വാങ്ങി. കരാറില് നിന്ന് പിന്മാറാന് പറ്റുമോയെന്ന് പരിശോധിക്കും. വിദ്യാഭ്യാസ സെക്രട്ടറിയുടെ റിപ്പോര്ട്ട് ലഭിച്ചിട്ടുണ്ട്.
ഖാദര് കമ്മിറ്റിയെക്കുറിച്ച് ആക്ഷേപങ്ങളുണ്ടായിരുന്നു. അതേപടി നടപ്പാക്കില്ല. എയ്ഡഡ് അധ്യാപക നിയമനം പിഎസ്സിക്ക് വിടുന്ന കാര്യം ചര്ച്ച ചെയ്യാതെ നടപ്പാക്കാന് കഴിയില്ലെന്നും മന്ത്രി പറഞ്ഞു.
അയോഗ്യമായ സ്കൂള് കെട്ടിടങ്ങള് പരിശോധിക്കും. കാലപ്പഴക്കം ചെന്ന കെട്ടിടങ്ങള് പുതുക്കിപ്പണിയും.ഫിറ്റ്നസിന്റെ പേരില് സ്കൂളുകള് തുറക്കാതിരുന്നിട്ടില്ല. കാലപ്പഴക്കം കൊണ്ടാണ് ചില സ്കൂളുകള് തുറക്കാതിരുന്നതെന്നും മന്ത്രി പറഞ്ഞു.
‘അടച്ചുപൂട്ടല് ഭീഷണി നേരിടുന്ന സ്കൂളുകളെ മുന്നോട്ടു കൊണ്ടുവരാനുളള നടപടികള് ഉണ്ടാകും. പത്താം ക്ലാസ് കഴിഞ്ഞിട്ടും എഴുതാന് അറിയില്ലെന്ന് പറയുന്നത് നാണക്കേടാണ്.കഴിഞ്ഞ സര്ക്കാരിന്റെ കാലത്തെ എല്ലാ നടപടികളും തുടരും. തര്ക്കവും പ്രശ്നങ്ങളും ഉളള വിഷയത്തില് മാത്രമാണ് പരിശോധിക്കുകയെന്നും മന്ത്രി പറഞ്ഞു.
സ്കൂളുകളില് ഒരു ദിവസം കളര് വസ്ത്രം ആക്കണമെന്ന കുട്ടികളുടെ ആവശ്യത്തില് ചര്ച്ചകള്ക്ക് ശേഷം മാത്രമേ അന്തിമ തീരുമാനം എടുക്കൂ. ഒരു ദിവസം കളര് വസ്ത്രം വേണം എന്നതിനോട് വ്യക്തിപരമായി യോജിപ്പാണ്.ഒരു ദിവസം സ്വാതന്ത്ര്യം വേണം എന്ന് കുട്ടികള് പറയുന്നത് ന്യായമാണെന്നും മന്ത്രി എന് ഷംസുദ്ദീന് പറഞ്ഞു.
