മോണ്ടെവീഡിയോ: ലോകകപ്പ് ഫുട്ബോള് പടിവാതില്ക്കലെത്തിനില്ക്കെ മുന് ലോക ജേതാക്കളായ ഉറുഗ്വേയും ജര്മനിയും അവരവരുടെ 26 അംഗ ടീമുകളെ പ്രഖ്യാപിച്ചു. 1930ലെ പ്രഥമ ലോകകപ്പ് കിരീടം നേടിയ ഉറുഗ്വേ പിന്നീട് 1950ലും വിശ്വ കിരീടത്തില് മുത്തമിട്ടു.
പിന്നീട് അന്താരാഷ്ട്ര തലത്തില് ക്ഷയിച്ചു. 2010ലെ ദക്ഷിണാഫ്രിക്കന് ലോകകപ്പില് സെമി വരെ എത്തിയതാണ് പിന്നീട് ഉറുഗ്വേ കണ്ട ഏറ്റവും വലിയ മുന്നേറ്റം. ഇത്തവണ അര്ജന്റീനയില് നിന്നുള്ള മാര്സെലോ ബിയേല്സയ്ക്ക് കീഴിലാണ് ഉറുഗ്വേ ടീം അണിനിര്കുന്നത്. 2002 ലോകകപ്പില് അര്ജന്റീനയെ പരിശീലിപ്പിച്ച കോച്ച് ആണ് ബിയേല്സ.
ലൂയി സുവാരസ് വിരമിച്ചതിന് ശേഷമുള്ള ആദ്യ ലോകകപ്പ് ആണിത്.
ഉറുഗ്വേ ടീം
ഗോള്കീപ്പര്മാര്- സെര്ജിയോ റോച്ചെറ്റ്, ഫെര്ണാണ്ടോ മുസ്ലേര, സാന്റിയാഗോ മെലെ
പ്രതിരോധ നിര- ഗില്ലര്മോ വാറെല, റോണാള്ഡ് അരൂജോ, ജോസ് മരിയ ജിമിനെസ്, സാന്റിയാഗോ ബ്യൂണോ, സെബാസ്റ്റിയന് കാസെറെസ്, മത്തിയാസ് ഒലിവേര, ജോക്വിന് പിക്വെറെസ്, മത്തിയാസ് വിന
മദ്ധ്യനിര- മാനുവല് ഉഗാര്ത്തെ, എമിലിയാനോ മാര്ട്ടിനെസ്, റോഡ്രിഗോ ബെന്റാന്കുര്, ഫെഡെറിക്കോ വാല്വെര്ദെ, അഗസ്റ്റിന് കനോബിയോ, യുവാന് മാനുവല് സനാബ്രിയ, ജിയോര്ഗന് ഡെ അറാസ്കേറ്റ, നിക്കോളാസ് ഡി ലാ ക്രൂസ്, റോഡ്രിഗോ സലാസര്, ഫാകുന്ഡോ പെല്ലിസ്ട്രി, മാക്സിമിലിയാനോ അരൂജോ, ബ്രയാന് റോഡ്രിഗസ്
മുന്നേറ്റ നിര- റോഡ്രിഗോ അഗ്വിര്, ഫെഡെറികോ വിനാസ്, ഡാര്വിന് ന്യൂനസ്
