പാലക്കാട് : അട്ടപ്പാടി മധു വധക്കേസില് മൂന്ന് പ്രതികളെ വെറുതെ വിട്ടതിനെതിരെ കുടുംബം സുപ്രീംകോടതിയെ സമീപിക്കാനൊരുങ്ങുന്നു. സര്ക്കാര് നിയമസഹായം നല്കുമെന്ന് കരുതുന്നതായി മധുവിന്റെ സഹോദരി സരസു പറഞ്ഞു.ഇതിനായി മധുവിന്റെ കുടുംബം അടുത്താഴ്ച മുഖ്യമന്ത്രിയെ കാണും.മുഴുവന് പ്രതികള്ക്കും ശിക്ഷ ലഭിക്കുന്നത് വരെ നിയമ നടപടികളുമായി മുന്നോട്ട് പോകുമെന്നും കുടുംബം പറഞ്ഞു.
അപ്പീല് പോകാതിരിക്കാന് സമ്മര്ദ്ദം ഉണ്ടായി.ഭയത്തോടെയാണ് ഇപ്പോഴും കഴിയുന്നത്.മധു അനുഭവിച്ച പോലൊരു വേദന ഇനി ആരും അനുഭവിക്കരുത്.
രണ്ടാം പ്രതി മുതലുള്ള 12 പ്രതികള്ക്കാണ് ജീവപര്യന്തം വിധിച്ചത്.രണ്ടാം പ്രതി മരയ്ക്കാര്, മൂന്നാം പ്രതി ഷംസുദ്ദീന്, അഞ്ചാം പ്രതി രാധാകൃഷ്ണന്, ആറാം പ്രതി അബൂബക്കര്, ഏഴാം പ്രതി സിദ്ദിഖ്, എട്ടാം പ്രതി ഉബൈദ്, ഒന്പതാം പ്രതി നജീബ്, പത്താം പ്രതി ജൈജുമോന്, പന്ത്രണ്ടാം പ്രതി സജീവ്, പതിമൂന്നാം പ്രതി സതീഷ്, പതിനാലാം പ്രതി ഹരീഷ്, പതിനഞ്ചാം പ്രതി ബിജു എന്നിവര്ക്കാണ് ശിക്ഷ വിധിച്ചത്. കേസില് 16 പ്രതികളായിരുന്നു ഉണ്ടായിരുന്നത്. ശിക്ഷ കൂട്ടണമെന്ന മധുവിന്റെ കുടുംബത്തിന്റെയും സര്ക്കാരിന്റെയും അപ്പീലിലാണ് 12 പേര്ക്ക് ജീവപര്യന്തം വിധിച്ചത്. ഒന്ന്, നാല്, 11 പ്രതികളെ വെറുതെ വിട്ടു.
