ന്യൂദല്ഹി: സംരംഭകരും യുവാക്കളും തമ്മിലുള്ള സഹകരണം ഭാരതത്തെ നവീകരണത്തിന്റെ ആഗോള കേന്ദ്രമാക്കി മാറ്റുമെന്ന് എബിവിപി ജനറല് സെക്രട്ടറി വീരേന്ദ്ര സോളങ്കി. ഗവേഷണത്തിനും വികസനത്തിനുമുള്ള അവരുടെ സംഭാവന വര്ദ്ധിപ്പിക്കാനും അതുവഴി വികസിത ഭാരതത്തിന്റെ ലക്ഷ്യം കൈവരിക്കാനും അദ്ദേഹം യുവാക്കളോടും സംരംഭകരോടും ആഹ്വാനം ചെയ്തു. എബിവിപി ദേശീയ എക്സിക്യൂട്ടീവ് കൗണ്സില് യോഗത്തില് സംസാരിക്കുകയായിരുന്നു അദ്ദേഹം.
ഒരു മുന്നിര ആഗോളശക്തി എന്ന നിലയില് ഭാരതത്തിന്റെ ഉയര്ച്ചയ്ക്ക് പൊതുസ്ഥാപനങ്ങളുടെയും വ്യാവസായിക മേഖലയുടെയും ഏകോപിത ശ്രമങ്ങള് ആവശ്യമാണ്. മേഖലകളില് അവസരങ്ങള് വികസിക്കുകയും രാജ്യത്തിന്റെ വളരുന്ന ആഗോള നിലവാരത്തിനൊപ്പം സംരംഭകര് കൂടുതല് ശക്തരാകുകയും ചെയ്യുമ്പോള് വിദ്യാഭ്യാസ, ഗവേഷണ സ്ഥാപനങ്ങളുമായി ദീര്ഘകാല പങ്കാളിത്തം സ്ഥാപിക്കേണ്ടതിന്റെ ആവശ്യകത വ്യവസായത്തിനുണ്ടെന്നും അദ്ദേഹം പറഞ്ഞു.
രാഷ്ട്രനിര്മാണം, അറിവ് നേടല് തുടങ്ങിയ ദര്ശനങ്ങളില് നയിക്കപ്പെടുന്ന എബിവിപി എപ്പോഴും വിദ്യാഭ്യാസ സ്ഥാപനങ്ങളില് ഗവേഷണം, നവീകരണം, ശാസ്ത്രീയ മനോഭാവം എന്നിവ പ്രോത്സാഹിപ്പിക്കുന്നതിന് ഊന്നല് നല്കിയിട്ടുണ്ടെന്നും അദ്ദേഹം കൂട്ടിച്ചേര്ത്തു.
വിവിധ സംസ്ഥാനങ്ങളില് നിന്നുള്ള നിരവധി കാര്യകര്ത്താക്കള് യോഗത്തില് പങ്കെടുത്തു. വിദ്യാഭ്യാസം, സ്ത്രീ സുരക്ഷ, ആഗോള സാഹചര്യം എന്നിവയുമായി ബന്ധപ്പെട്ട കരട് പ്രമേയങ്ങളെക്കുറിച്ച് നിര്ദേശങ്ങള് നല്കുകയും ചെയ്തു. ഈ നാല് പ്രമേയങ്ങള് ഇന്ന് കൗണ്സിലിന് മുന്നില് വയ്ക്കും. ഭുവനേശ്വറിലെ എസ്ഒഎ സര്വകലാശായില് വ്യാഴാഴ്ച ആരംഭിച്ച മൂന്ന് ദിവസത്തെ യോഗം ഇന്ന് അവസാനിക്കും.
