നമ്മുടെ അടുക്കളകളിൽ നിത്യേന പാചകത്തിന് ഉപയോഗിക്കുന്ന സവാള കേവലം കറികൾക്ക് രുചി കൂട്ടാൻ മാത്രമല്ല, ആരോഗ്യ സംരക്ഷണത്തിനും ഏറെ ഉത്തമമാണ്. ധാരാളം ഫൈബറും ആന്റി ഓക്സിഡന്റുകളും അടങ്ങിയ സവാള പതിവായി ഭക്ഷണത്തിൽ ഉൾപ്പെടുത്തുന്നത് രക്തത്തിലെ പഞ്ചസാരയുടെ അളവ് കൃത്യമായി നിയന്ത്രിക്കാൻ സഹായിക്കുമെന്നതിനാൽ പ്രമേഹ രോഗികൾക്ക് ഇത് വളരെ ഗുണം ചെയ്യും.
ഉള്ളിയിൽ അടങ്ങിയിരിക്കുന്ന സൾഫറും ആന്റി ഓക്സിഡന്റുകളും ശരീരത്തിലെ ചീത്ത കൊളസ്ട്രോളിന്റെ അളവ് കുറയ്ക്കുകയും അതുവഴി ഹൃദയാരോഗ്യം മെച്ചപ്പെടുത്താൻ സഹായിക്കുകയും ചെയ്യുന്നു. ശരീരഭാരം കുറയ്ക്കാൻ ആഗ്രഹിക്കുന്നവർക്ക് കുറഞ്ഞ കലോറിയും ഉയർന്ന ഫൈബറുമുള്ള സവാള ഒരു മികച്ച ഭക്ഷണ ഓപ്ഷനാണ്. ഇത് ദഹനം സുഗമമാക്കാനും മലബന്ധം പോലുള്ള പ്രശ്നങ്ങൾ തടയാനും സഹായിക്കും.
ചില പ്രത്യേക തരം ക്യാൻസറുകളുടെ സാധ്യതകളെ പ്രതിരോധിക്കാനുള്ള ശേഷിയും സവാളയിലെ ഘടകങ്ങൾക്കുണ്ട്. ആരോഗ്യത്തിന് പുറമെ ചർമ്മ സംരക്ഷണത്തിലും സവാള പ്രധാന പങ്കുവഹിക്കുന്നു; ഇതിലെ വിറ്റാമിൻ സിയും ആന്റി ഓക്സിഡന്റുകളും ചർമ്മത്തിലെ ചുളിവുകളും കറുത്ത പാടുകളും അകറ്റി ചർമ്മത്തിന് തിളക്കവും ആരോഗ്യവും നൽകാൻ സഹായിക്കും.
സവാളയിൽ അടങ്ങിയിരിക്കുന്ന ഉയർന്ന അളവിലുള്ള വിറ്റാമിൻ സി ശരീരത്തിന്റെ രോഗപ്രതിരോധ ശേഷി വർദ്ധിപ്പിക്കുന്നതിനൊപ്പം ശ്വാസകോശത്തിന്റെ ആരോഗ്യം സംരക്ഷിക്കുന്നതിനും ഏറെ ഫലപ്രദമാണ്. സൾഫർ സംയുക്തങ്ങൾ ധാരാളമായി അടങ്ങിയിട്ടുള്ളതിനാൽ ഇവ എല്ലുകളുടെ ബലം വർദ്ധിപ്പിക്കാനും തലച്ചോറിന്റെ പ്രവർത്തനം മെച്ചപ്പെടുത്താനും സഹായിക്കുന്നു.
