കേരളത്തിന് പുതിയ അതിവേഗറെയിൽ വരുമ്പോൾ…

തിരുവനന്തപുരം: വിവാദമായ, പിണറായി വിജയൻ സർക്കാർ നടപ്പാക്കൻ ശ്രമിച്ച സിൽവർ ലൈൻ അതിവേഗപ്പാത റദ്ദാക്കി പുതിയ അതിവേഗ റെയിൽ പാതക്ക് ആലോചിക്കുന്ന വി.ഡി. സതീശൻ സർക്കാരിന് മികച്ച അവസരമാന് മെട്രോമാൻ ഇ. ശ്രീധരന്റെ അതിവേഗ റെയിൽ പാത.
ഇന്നലെ മുഖ്യമന്ത്രിയെ കണ്ട് ചർച്ച ചെയ്ത ശേഷം ഇ. ശ്രീധരൻ ഏറെ സന്തുഷ്ടനാണ്. ഭൂമി ഏറ്റെടുക്കേണ്ടെന്നും ഓടിത്തുടങ്ങുന്ന ആദ്യ വർഷംതന്നെ ലാഭം ഉണ്ടാക്കാമെന്നുമുള്ള പ്രോജക്ടിലെ വിവരങ്ങൾ മുഖ്യമന്ത്രി ഏറെ താൽപര്യത്തോടെയാണ് കേട്ടതെന്നും നടപ്പാക്കാൻ തൽപ്പരനാണെന്നും ഇ. ശ്രീധരൻ ജന്മഭൂമിയോട് പറഞ്ഞു.
സംസ്ഥാന സർക്കാരിന് എങ്ങുനിന്നും കടമെടുക്കാതെ പദ്ധതി നടത്താം. കേരളത്തിന്റെ ഗതാഗത മേഖലയിൽ ഒരു വലിയ മാറ്റത്തിനും കുതിപ്പിനും വഴിതുറക്കുന്നതാകും പദ്ധതി. ഇപ്പോൾ ബജറ്റ് തയാറാക്കുന്ന തിരക്കിലാണെന്നും ആ തിരക്കു കഴിഞ്ഞാൽ കൂടുതൽ ചർച്ച നടത്തുമെന്നും ശ്രീധരൻ പറഞ്ഞു. ഈ പദ്ധതി ഡിഎംആർസി വഴിയാണ് നടപ്പാക്കുന്നതെങ്കിൽ എല്ലാ വിധത്തിലുള്ള സേവനവും നൽകാൻ തയാറാണെന്നും മെട്രോമാൻ പറഞ്ഞു.
ഇ. ശ്രീധരന്റെ പദ്ധതിയെക്കുറിച്ചറിയാൻ വീഡിയോ കാണാം.