ന്യൂദല്ഹി: ബംഗ്ലാദേശില്നിന്ന് ബംഗാളിലേക്ക് നുഴഞ്ഞുകയറിയിരുന്നവര്ക്ക് ആധാര് അടക്കം മുഴുവന് രേഖകളും വ്യാജമായി നിര്മിച്ചു നല്കിയിരുന്നത് തൃണമൂല് കോണ്ഗ്രസിന്റെ നേതാക്കളെന്ന് ഇന്ത്യാ ടുഡേ റിപ്പോര്ട്ട്. ഇവരെ തന്ത്രത്തില് അതിര്ത്തി കടത്തിവിടാന് ബംഗ്ലാദേശില് ഏജന്റുമാര് ഉണ്ട്. പത്തു മിനുട്ടില് അതിര്ത്തി കടത്തിവിടും. ആളൊന്നിന് 7000 രൂപ മുതല് 20,000 രൂപ വരെയായിരുന്നു ഫീസ്.
രാത്രിയില് ബിഎസ്എഫിന്റെ പട്രോളിങ് ഇല്ലാത്ത സ്ഥലങ്ങളിലൂടെയാണ് ഏജന്റുമാര് ആളുകളെ കടത്തുക. ചിലയിടങ്ങളില് പുഴകള് നീന്തിക്കടക്കണം. ഭാരതത്തില് എത്തിയ ശേഷം, തൃണമൂല് നേതാക്കള്, ഇവര്ക്ക് വോട്ടര് ഐഡി, ആധാര്, റേഷന് കാര്ഡ് എന്നിവ വ്യാജമായി സംഘടിപ്പിച്ചു നല്കും. ഇവ ഉപയോഗിച്ച് പാവപ്പെട്ടവര്ക്ക് സര്ക്കാര് നല്കുന്ന ആനുകൂല്യങ്ങള് നുഴഞ്ഞു കയറ്റക്കാര് കൈപ്പറ്റുന്നുണ്ടെന്നും റിപ്പോര്ട്ടില് പറയുന്നു.
