ബ്യൂണെസ്‌ഐറിസ്: ചാമ്പ്യന്‍ ടീം അര്‍ജന്റീനയുടെ ലോകകപ്പ് ഫുട്‌ബോള്‍ 2026നുള്ള ടീം റെഡി. അര്‍ജന്റീന പരിശീലകന്‍ ലയണല്‍ സ്‌കലോനി പ്രഖ്യാപിച്ച ടീമിനെ ലോക സൂപ്പര്‍ ഫുട്‌ബോളര്‍ ലയണല്‍ മെസി ആയിരിക്കും നയിക്കുക. മെസിയുടെ ആറാം ലോകകപ്പ് ആണിത്.
കഴിഞ്ഞ തവണ ഖത്തര്‍ ലോകകപ്പില്‍ ഫ്രാന്‍സിനെ ഷൂട്ടൗട്ടില്‍ പരാജയപ്പെടുത്തിയാണ് അര്‍ജന്റീന മൂന്നാം ലോക കിരീടം സ്വന്തമാക്കിയത്. അന്നും പരിശീലകന്‍ സ്‌കലോനിക്ക് കീഴിലായിരുന്നു ടീമിന്റെ നേട്ടം. അക്കൊല്ലം ഏറ്റവും മികച്ച പ്ലേയര്‍ക്കുള്ള സ്വര്‍ണ പന്ത് ലഭിച്ചത് അര്‍ജന്റീന നായകന്‍ മെസിക്കായിരുന്നു. കൂടാതെ ലോകകപ്പിന്റെ ഗോളിക്കുള്ള ഗോള്‍ഡന്‍ ഗ്ലോവ്‌സ് അര്‍ജന്റീനയുടെ എമിലിയാനോ മാര്‍ട്ടിനെസ് നേടിയിരുന്നു.
ഇതുവരെ 26 മത്സരങ്ങളില്‍ കളിച്ച മെസി ഏറ്റവും കൂടുതല്‍ ലോകകപ്പ് മത്സരങ്ങള്‍ കളിച്ചിട്ടുള്ള താരമായി റിക്കാര്‍ഡിട്ടു കഴിഞ്ഞു. ലോകകപ്പ് പുരോഗമിക്കുന്ന വേളയില്‍ മെസിക്ക് പ്രായം 39 തികയും. മെസിയെ കൂടാതെ ആറാം ലോകകപ്പില്‍ കൡക്കുന്ന മറ്റൊരു താരം പോര്‍ച്ചുഗല്‍ സൂപ്പര്‍ താരം ക്രിസ്റ്റ്യാനോ റൊണാള്‍ഡോ ആണ്.
2022ല്‍ ഖത്തറില്‍ ഫ്രാന്‍സിനെ ഷൂട്ടൗട്ടില്‍ തോല്‍പ്പിച്ചാണ് അര്‍ജന്റീന കിരീടമുയര്‍ത്തിയത്. 36 വര്‍ഷത്തെ ഇടവേളയ്‌ക്ക് ശേഷമായിരുന്നു അത്. 1978, 1986 വര്‍ഷങ്ങളിലാണ് ഇതിന് മുമ്പ് അര്‍ജന്റീന ലോക കപ്പ് നേടിയത്.
ഇത്തവണത്തെ യൂറോപ്പ ലീഗ് ജേതാക്കളായ ഇംഗ്ലീഷ് ക്ലബ്ബ് ആസ്റ്റണ്‍ വില്ലയുടെ കാവല്‍ക്കാരന്‍ കൂടിയായ എമിലിയാനോ മാര്‍ട്ടിനെസ് ആണ് അര്‍ജന്റീനയുടെ പ്രധാന ഗോളി. പ്രതിരോധത്തില്‍ യുണൈറ്റഡിന്റെ ലിസാന്‍ഡ്രോ മാര്‍ട്ടിനെസും ടോട്ടനത്തിന്റെ ക്രിസ്റ്റിയന്‍ റൊമീറോയും ഉള്‍പ്പെടുന്നു. കാല്‍മുട്ടിലെ പരിക്ക് കാരണം റൊമീറോ കഴിഞ്ഞ സീസണില്‍ കളിച്ചിട്ടില്ല.
മദ്ധ്യനിരയിലേക്കെത്തിയാല്‍ ലിവര്‍ താരം അലെക്‌സിസ് മാക്ക്അലിസ്റ്റര്‍, ചെല്‍സിയുടെ എന്‍സോ ഫെര്‍ണാണ്ടസ് എന്നിവരുടെ സാന്നിധ്യമുണ്ടാകും. മെസിക്കൊപ്പം ആല്‍ബിസെലെസ്റ്റെയെ മുന്നില്‍ നിന്ന് നയിക്കാന്‍ ഹൂലിയന്‍ അല്‍വാരസും ലൗത്താരോ മാര്‍ട്ടിനെസും കൂട്ടിനുണ്ടാകും. കഴിഞ്ഞ തവണ ലോകകപ്പ് നേടിയ ടീമിലെ 17 പേര്‍ ഇത്തവണയും ഉണ്ട്. മുന്നേറ്റ താരങ്ങളായ പോളോ ഡിബാല, എമി ബ്യെന്‍ഡിയ, ഫ്രാങ്കോ മാസ്റ്റാന്റ്വോനോ എന്നിവരാണ് പരിക്ക് കാരണം ഒഴിവാക്കേണ്ടിവന്ന പ്രധാന താരങ്ങള്‍.
ലോകകപ്പ് പ്രാഥമി റൗണ്ടില്‍ ഗ്രൂപ്പ് ജെയിലാണ് അര്‍ജന്റീന. 17ന് അള്‍ജീരിയക്കെതിരെയാണ് ആദ്യ മത്സരം 22ന് ഓസ്ട്രിയയുമായും 28ന് ജോര്‍ദാനെതിരെയും കളിക്കും.
അര്‍ജന്റീന ടീം
ഗോള്‍കീപ്പര്‍മാര്‍- എമിലിയാനോ മാര്‍ട്ടിനെസ്, യുവാന്‍ മൂസ്സോ, ജെറെനിമോ റുള്ളി
പ്രതിരോധ നിര- നിക്കോലാസ് ഒട്ടോമെന്‍ഡി, ക്രിസ്റ്റിയന്‍ റൊമീറോ, ഗോന്‍സാലോ മൊണ്ടിയേല്‍, ലിസാന്‍ഡ്രോ മാര്‍ട്ടിനെസ്, നിക്കോളാസ് ടാഗ്ലിയാഫിക്കോ, നഹുവേല്‍ മൊളീന, ലിയണാര്‍ഡോ ബലേര്‍ഡി, ഫാകുന്‍ഡോ മെദിന
മദ്ധ്യനിര- ലിയാന്‍ഡ്രോ പരഡേസ്, റോഡ്രിഗോ ഡി പോള്‍, അലെക്‌സിസ് മാക് അലിസ്റ്റര്‍, എന്‍സോ ഫെര്‍ണാണ്ടസ്, വാലെന്റൈന്‍ ബാര്‍കോ, ജിയോവാനി ലോ സെല്‍സോ, എസെക്വേല്‍ പലാസിയോസ്
മുന്നേറ്റനിര- ലയണല്‍ മെസി, ഹൂലിയന്‍ അല്‍വാരസ്, ലൗത്താരോ മാര്‍ട്ടിനെസ്, നിക്കോളാസ് ഗോന്‍സാലെസ്, തിയാഗോ അല്‍മാന്‍ഡ, ജിയുലിയാനോ സിമിയോണ്‍, നിക്കോ പാസ്, ജോസ് മാനുവല്‍ ലോപ്പസ്‌
