ന്യൂദൽഹി : ഇന്ധനവിലയിലെ വർധനവ് മൂലം പ്രവർത്തനച്ചെലവ് വർദ്ധിച്ചുവരുന്ന സാഹചര്യത്തിൽ, എയർ ഇന്ത്യ ആഭ്യന്തര വിമാന സർവീസുകളുടെ 22 ശതമാനം വരെ കുറയ്‌ക്കാൻ ഒരുങ്ങുന്നു. സാമ്പത്തിക പ്രതിസന്ധി നേരിടുന്ന എയർലൈൻ, അന്താരാഷ്‌ട്ര വിമാന സർവീസുകൾ ഏകദേശം 27 ശതമാനം കുറച്ചതായി വൃത്തങ്ങൾ അറിയിച്ചു.
എയർ ഇന്ത്യ ആഴ്ചയിൽ ഏകദേശം 4,400 വിമാന സർവീസുകൾ നടത്തുന്നു. അവയിൽ ഏകദേശം 3,600 എണ്ണം ആഭ്യന്തര സർവീസുകളും 800 എണ്ണം അന്താരാഷ്‌ട്ര സർവീസുകളുമാണ്.
“2026 ജൂൺ മുതൽ ഓഗസ്റ്റ് വരെയുള്ള കാലയളവിൽ തിരഞ്ഞെടുത്ത അന്താരാഷ്‌ട്ര സർവീസുകളിൽ ഞങ്ങൾ മുമ്പ് പ്രഖ്യാപിച്ച ക്രമീകരണങ്ങളുടെ തുടർച്ചയായി, അതേ കാലയളവിൽ ചില ആഭ്യന്തര റൂട്ടുകളിലെ പ്രവർത്തനങ്ങൾ ഞങ്ങൾ താൽക്കാലികമായി കുറച്ചു, തിരഞ്ഞെടുത്ത റൂട്ടുകളിലെ ആവൃത്തികളിലും കുറവുണ്ടായി,” – എയർ ഇന്ത്യ ബുധനാഴ്ച ഒരു പ്രസ്താവനയിൽ പറഞ്ഞു.
