തിരുവനന്തപുരം: പത്ത് വര്ഷം മുഖ്യമന്ത്രിയാവുകയും ഈയിടെ മാത്രം മുഖ്യമന്ത്രിസ്ഥാനം ഒഴിഞ്ഞ പിണറായി വിജയന്റെ വീട്ടില് ഇഡി റെയ്ഡ് നടത്തിയതില് ഒരക്ഷരം മിണ്ടാതെ ഉരിയാടാതെ മുഖ്യമന്ത്രി സതീശന്. ഇത് നാണക്കേടാണെന്നാണ് സമൂഹമാധ്യമങ്ങളില് രാഷ്ട്രീയ നിരീക്ഷകര് പ്രതികരിക്കുന്നത്.
ഇത്രയും വിവാദമായ റെയ്ഡ് ഉണ്ടായിട്ടും ആരാണ് ഈ റെയ്ഡിന് പിന്നില്, എന്തിനായിരുന്നു ഈ ഇഡി റെയ്ഡ്, ഇഡി ഉദ്യോഗസ്ഥര്ക്കെതിരെ സിപിഎം ഗുണ്ടകള് ആക്രമണം അഴിച്ചുവിടുമ്പോള് കയ്യും കെട്ടി നോക്കിനിന്ന പൊലീസ്. പിണറായി, മുഹമ്മദ് റിയാസ്, വീണാ വിജയന് എന്നിവരുടെ വീടുകള് ഉള്പ്പെടെ 12 ഇടങ്ങളില് റെയ്ഡ് എന്നിങ്ങനെ സംസ്ഥാനത്തെ പിടിച്ചുലയ്ക്കുന്ന സംഭവവികാസങ്ങളുണ്ടായിട്ടും പ്രതികരിക്കണമെങ്കില് നാളെ മുസ്ലിം ലീഗിന്റെ പച്ചക്കൊടി കിട്ടേണ്ടതുണ്ടോ എന്ന ചോദ്യം ഉയരുന്നു.
ഇത്രയും വലിയ റെയ്ഡ് കേരളാ പൊലീസ് അറിഞ്ഞിട്ടില്ല എന്ന് ആഭ്യന്തരമന്ത്രി രമേശ് ചെന്നിത്തല പറയുന്നു. കേരളത്തിലെ സംഭവവികാസങ്ങള് ഒന്നും അറിയാത്ത പൊട്ടനാണോ കേരളത്തിന്റെ മുഖ്യമന്ത്രി എന്ന ചോദ്യവും ഉയരുന്നു. സിപിഎം നേതാക്കള് പറയുന്നത് സതീശന് ചൊവ്വാഴ്ച മോദിയെ കണ്ട മടങ്ങിയ ശേഷം ബുധനാഴ്ച ഇഡി റെയ്ഡ് നടത്തിയത് സതീശന്റെ നിര്ദേശപ്രകാരമാണെന്നാണ്. ഇതിന് പോലും സതീശന് മറുപടി പറഞ്ഞിട്ടില്ല. രാഹുല് ഗാന്ധിയാണ് ഈ ഇഡി റെയ്ഡിന് പിന്നിലെന്ന് അശോകന് ചെരുവില് ഉള്പ്പെടെ നിരവധി സിപിഎം നേതാക്കള് ആരോപിച്ചു. ഇതിനെതിരെയും സതീശന് പ്രതികരിച്ചില്ല.
