ജയ്സാല്മീര്:: രാജസ്ഥാനിലെ ജയ്സാല്മീറില് 500ല് പരം പശുക്കളുടെ ജഡങ്ങള് കണ്ടെത്തിയത് വലിയ ഞെട്ടലുണ്ടാക്കിയിരിക്കുകയാണ്. ഉപയോഗശൂന്യമായ വസ്തുക്കള് തള്ളുന്ന ഒരു പ്രദേശത്താണ് ഇത്രയും പശുക്കളുടെ ജഡങ്ങള് കണ്ടെത്തിയത്.
മുനിസിപ്പല് കൗണ്സിലിന്റെ മാലിന്യങ്ങള് തള്ളുന്ന ഗ്രൗണ്ടിലാണ് ഇത്രയധികം പശുക്കളുടെ അഴുകിയ ജഡം കണ്ടെത്തിയത്. ജയ് സാല്മീറില് നിന്നും ഏഴ് കിലോമീറ്റര് അകലെയാണ് ഈ ഡമ്പിംഗ് ഗ്രൗണ്ട്. രാജസ്ഥാനിലെ ബിജെപി സര്ക്കാര് ഉടന് എടുത്ത നടപടി ഈ മാലിന്യങ്ങള് തള്ളുന്ന ഗ്രൗണ്ടില് അസ്ഥികൂടങ്ങളും എല്ലുകളും കൊണ്ടിടാന് കരാര് നല്കിയ ആളുടെ കരാര് റദ്ദാക്കി.
റോഡില് ചത്ത പശുക്കളെ ഇവിടെ കൊണ്ടുവന്ന് തള്ളുന്ന പതിവുണ്ടെന്ന് പറയുന്നു. ഇതാണ് ഇപ്പോള് ഇത്രയധികം പശുക്കളുടെ ജഡം കണ്ടെത്താന് കാരണമായത് എന്ന് പറയുന്നു.
. ഇവിടെ എങ്ങിനെ ഇത്രയധികം പശുക്കളുടെ അവശിഷ്ടങ്ങള് എത്തി എന്ന കാര്യം അന്വേഷിക്കാനും ബിജെപി സര്ക്കാര് ഉത്തരവിട്ടു. .
