പത്തനംതിട്ട: ഭാരതീയ വേലന് സര്വീസ് സൊസൈറ്റി (ബിവിഎസ്എസ്) സംസ്ഥാന പ്രതിനിധി സമ്മേളനം കോയിപ്രം ഗാന്ധി സ്മാരക ഓഡിറ്റോറിയത്തില് പത്തനംതിട്ട ജില്ലാ പഞ്ചായത്ത് പ്രസിഡന്റ് ദീനാമ്മ റോയി ഉദ്ഘാടനം ചെയ്തു.
ബിവിഎസ്എസ് സംസ്ഥാന പ്രസിഡന്റ് കെ.കെ. ശശി അധ്യക്ഷത വഹിച്ചു. വിദ്യാഭ്യാസ മേഖലകളില് സമുദായ അംഗങ്ങളില് മികച്ച വിജയം കരസ്ഥമാക്കിയ വിദ്യാര്ത്ഥികളെ കോയിപ്രം ഗ്രാമപഞ്ചായത്ത് പ്രസിഡന്റ് വര്ഗീസ് ഈപ്പന് അനുമോദിച്ചു. 62 പട്ടികജാതി സംഘടനകളുടെ കൂട്ടായ്മയായ ആനുപാതിക പ്രാധിനിധ്യ പ്രക്ഷോഭ സമിതി സംസ്ഥാന വൈസ് പ്രസിഡന്റ് പി.ഡി. സുരേഷ് മുഖ്യ പ്രഭാഷണം നടത്തി. ബിവിഎസ്എസ് സംസ്ഥാന വൈസ് പ്രസിഡന്റ് വി.കെ. സോമന് അവതരിപ്പിച്ച പ്രമേയം യോഗം അംഗീകരിച്ചു.
ഇ-ഗ്രാന്റ് കാലോചിതമായി വര്ദ്ധിപ്പിച്ച് സമയബന്ധിതമായി നല്കുക, വിദ്യാര്ത്ഥികള്ക്ക് ഇന്റേണല് മാര്ക്ക് നല്കുന്നതിലെ വിവേചനം ഒഴിവാക്കുന്നതിന് നിയമ വ്യവസ്ഥ നടപ്പിലാക്കുക, സ്വകാര്യ-എയ്ഡഡ് മേഖലകളില് പട്ടികജാതി സംവരണതത്വം കൃത്യമായി പാലിക്കുന്നതിന് നിയമനിര്മാണം നടത്തുക, നിതിന് രാജിന്റെ മരണത്തില് സമഗ്ര അന്വേഷണത്തിനായി നടപടികള് സ്വീകരിക്കുക, എസ്സി, എസ്ടി വിഭാഗങ്ങള്ക്ക് ഭൂമി വാങ്ങുന്നതിനും വീട് നിര്മിക്കുന്നതിനും മാര്ക്കറ്റ് മൂല്യം അടിസ്ഥാനമാക്കി തുക വര്ദ്ധിപ്പിച്ച് നല്കുക, വിവിധ ആവശ്യങ്ങള്ക്ക് ഏര്പ്പെടുത്തിയിട്ടുള്ള നിശ്ചിത വരുമാന പരിധി കാലോചിതമായി വര്ദ്ധിപ്പിക തുടങ്ങിയ കാര്യങ്ങള് പ്രമേയത്തില് ആവശ്യപ്പെട്ടു. മെമ്പര്മാരായ എ.കെ. സോമന്, വിജയകുമാര് സി.എസ്., അശ്വതി ആര്, തങ്കമണി എന്.കെ., സംസ്ഥാന ഭാരവാഹികളായ സുനില് നെടുംബ്രം, വി.ജി. ഗോപിനാഥന്, ഉത്തമന് വി.കെ. ഹരിവാസുദേവന്, ഗീത ജി, രമണി വി.ജി., ലക്ഷ്മിക്കുട്ടി വി.കെ., പി.കെ. വിനയകുമാര്, അനില് വി. പരിയാരം, സുജിത് കുമാര്, സംസ്ഥാന ജോയിന്റ് സെക്രട്ടറി പി.ജി. കമലാസനന്, സത്യന് അങ്ങാടിക്കല് എന്നിവര് പ്രസംഗിച്ചു.
ഭാരവാഹികളായി കെ.കെ. ശശി (പ്രസിഡന്റ്), വി.കെ. സോമന്, ഉത്തമന് വി.കെ, വിനോദ് അങ്ങാടിക്കല്, ഗീത ജി (വൈസ് പ്രസിഡന്റ്) സുനില് നെടുംബ്രം (ജന. സെക്രട്ടറി), കമലാസനന് പി.ജി, ഹരി വാസുദേവന്, ലക്ഷ്മിക്കുട്ടി വി.കെ, സുധ രവീന്ദ്രന് (ജോ. സെക്രട്ടറി), വിനയകുമാര് പി.കെ., സുജിത് കുമാര്, അരുണ് പി., സത്യന് അങ്ങാടിക്കല്, അജയകുമാര്, ദീപേഷ് (ഓര്ഗനൈസര്) എന്നിവരെ തെരഞ്ഞെടുത്തു.
