ന്യൂദല്ഹി: അഗ്നി 6 എന്ന ആണവമിസൈലിന് 15000 കിലോമീറ്റര് വരെ ദൂരത്ത് എത്തിച്ചേര്ന്ന് സ്ഫോടനമുണ്ടാക്കാന് കഴിയുമെന്ന് പ്രതിരോധരംഗത്തെ വിദഗ്ധര് പറയുന്നു. 10,000 മുതല് 12,000 കിലോമീറ്റര് വരെ ദൂരപരിധിയേ അഗ്നി 6 മിസൈലിനുള്ളൂ എന്നാണ് ഔദ്യോഗിക ഭാഷ്യം.
അതായത് അഗ്നി 6 മിസൈലിന് അമേരിക്കയിലെ വാഷിംഗ്ടണ്, ന്യൂയോര്ക്ക് എന്നീ നഗരങ്ങള് വരെ അഗ്നിക്കിരയാക്കാന് കഴിയും. വാസ്തവത്തില് ഇന്ത്യയില് നിന്നും 12000 മുതല് 13600 കിലോമീറ്റര് വരെ മാത്രം അകലെയാണ് അമേരിക്ക ഉള്ളത്. തീര്ച്ചയായും ഒരു പ്രതികൂലസാഹചര്യമുണ്ടായാല് പോലും ഇന്ത്യയെ മറ്റ് രാജ്യങ്ങള് ആക്രമിക്കതിരിക്കാനുള്ള ശക്തമായ പ്രതിരോധമായി അഗ്നി6 മാറും.
ആണവായുധം ഘടിപ്പിച്ച മിസൈല് ശ്രേണിയാണ് അഗ്നി. അതില് അഗ്നി 6 എന്നത് ഭൂഖണ്ഡാന്തര ബാലിസ്റ്റിക് മിസൈലാണ്.. മണിക്കൂറില് 30000 കിലോമീറ്ററാണ് അഗ്നി6ന്റെ വേഗത. ഈ അഗ്നി 6ന് വെറും 25 മിനിറ്റിനുള്ളില് അമേരിക്കയില് എത്താനാവും. യാത്രാവിമാനം ഇന്ത്യയില് നിന്നും അമേരിക്കയിലേക്ക് എത്തണമെങ്കില് 16 മുതല് 17 മണിക്കൂറുകള് വരെ വേണ്ടിവരും. പക്ഷെ ഇത്രയും വേഗതയില് കുതിക്കുമെന്നതിനാലാണ് ഇതിന് 25 മിനിറ്റിനകം അമേരിക്കയില് എത്താന് കഴിയുക. ഇതോടെ ഇന്ത്യ ആയുധശക്തിയുടെ കാര്യത്തില് സൂപ്പര് പവറായി മാറുകയാണ്.
മാത്രമല്ല, അഗ്നി 6ല് എംഐആര്വി സംവിധാനം കൂടിയുണ്ട്. അതായത് ഇതില് ആണവ പോര്മുനകളുള്ള 1 മിസൈലുകള് വരെ ഘടിപ്പിക്കാം. ഈ മിസൈലുകള്ക്ക് ഓരോന്നിനും വ്യത്യസ്തമായ ലക്ഷ്യങ്ങളും നല്കാം. അതനുസരിച്ച് അവ വ്യത്യസത്മായ ഇടങ്ങളില് തന്നെ ചെന്ന് പതിച്ച് സ്ഫോടനമുണ്ടാക്കും. ഉദാഹരത്തിന് അഗ്നി 6 പാകിസ്ഥാനിലേക്ക് വിട്ടാല് ഓരോ ആണവമിസൈലുകള്ക്കും പാകിസ്ഥാനിലെ ഓരോരോ നഗരങ്ങള് ലക്ഷ്യം വെയ്ക്കാം. ഒരു മിസൈലിന് ലാഹോറിലും മറ്റൊന്നിന് ഇസ്മാബാദിലും വേറൊന്നിന് റാവല്പിണ്ടിയിലും പതിക്കാമെന്നര്ത്ഥം. ഈ അര്ത്ഥത്തില് അങ്ങേയറ്റം മാരകമായ ദിവ്യാസ്ത്രം തന്നെയാണ് അഗ്നി 6.
