തൃശൂര്: മണലൂര് നിയോജകമണ്ഡലത്തില് 126 വോട്ടുകള്ക്ക് തോറ്റതോടെ ടി.എന്. പ്രതാപന്റെ രാഷ്ട്രീയ ഭാവി തീര്ന്നുവെന്ന് വിലയിരുത്തല്. ഇനി ബിജെപിയിലേക്ക് മാറുക എന്നതാണ് ഏക രക്ഷയെന്നും ട്രോളുകള്.
മണലൂരില് നിന്നും ജയിച്ചാല് സാംസ്കാരികവകുപ്പ് മന്ത്രിയുടെ കുപ്പായമാണ് കോണ്ഗ്രസ് ടി.എന്. പ്രതാപന് കരുതിവെച്ചിരുന്നത്. തനിക്കൊപ്പം ചേരേണ്ട സ്റ്റാഫുകളേയും തെരഞ്ഞെടുപ്പ് പ്രചാരണവേളയിലേ പ്രതാപന് തെരഞ്ഞെടുത്ത് കഴിഞ്ഞിരുന്നു. അവരാണ് ടി.എന് പ്രതാപന് വേണ്ടി പ്രചാരണത്തിന് ഓടി നടന്നിരുന്നത്. എന്നാല് പ്രതാപന് തോറ്റതോടെ ഇവരുടെ പ്രതീക്ഷ അസ്തമിച്ചു.
ഇതിന് മുന്പ് തെരഞ്ഞെടുപ്പില് വിജയിച്ച ചരിത്രം മാത്രമേ പ്രതാപനുണ്ടായിരുന്നുള്ളൂ. 2001 മുതല് 2006 വരെ നാട്ടികയില് എംഎല്എ ആയത് കൃഷ്ണന് കണിയാമ്പറമ്പിലിനെ അട്ടിമറിച്ചാണ്. 2011 മുതല് 2016 വരെ കൊടുങ്ങല്ലൂരിന്റെ എംഎല്എ ആയി. 2019 മുതല് 2024 വരെ തൃശൂര് ലോക് സഭയില് നിന്നും എംപിയായി. പക്ഷെ മന്ത്രിയാകാന് കഴിയുമായിരുന്ന നിര്ണ്ണായക ഘട്ടത്തില് തോറ്റുപോയി.
പ്രതാപന്റെ തോല്വിക്ക് മണലൂരിലെ എന്ഡിഎ സ്ഥാനാര്ത്ഥി അഡ്വ. കെ.കെ. അനീഷ്കുമാറിന്റെ പ്രചാരണം വലിയ കാരണമായി. എസ് ഡിപിഐയുടെ വലംകൈയായ പ്രതാപനെ തുറന്നുകാണിക്കാന് അനീഷ് കുമാറിന് കഴിഞ്ഞു. പ്രതാപന് എസ് ഡിപി ഐയുടെ ആളാണെന്ന കെ.കെ. അനീഷ്കുമാറിന്റെ നിരന്തരപ്രചാരണത്തിനൊടുവില് അങ്ങിനെയല്ലെന്ന് തെളിയിക്കാന് പ്രതാപന് എസ് ഡിപിഐയ്ക്കെതിരെ പ്രസംഗിച്ചു. ഇത് സമൂഹമാധ്യമങ്ങളില് അനീഷ് കുമാറും കൂട്ടരും പ്രചരിപ്പിച്ചതോടെ ഈ മണ്ഡലത്തിലെ എസ് ഡിപിഐ വോട്ടുകള് പ്രതാപന് നഷ്ടമായി. ഇതുപോലെ പരിചയസമ്പന്നനായ പ്രതാപന് പല തെറ്റുകളും വരുത്തി. അതുപോലെ കെ. മുരളീദറനെതിരെ പ്രവര്ത്തിച്ച പ്രതാപന് കോണ്ഗ്രസിലെ ഒരു വിഭാഗം പണികൊടുത്തിരുന്നു.
അതുപോലെ നടന് ദേവനെതിരെ കിറ്റ് വിവാദം ഉയര്ത്തിയെങ്കിലും ഒടുവില് പൊലീസ് പ്രതാപനെ അറസ്റ്റ് ചെയ്ത സംഭവം ചില്ലറ പ്രതിച്ഛായാനഷ്ടമല്ല പ്രതാപനുണ്ടാക്കിയത്. ഇടത്പക്ഷ സ്ഥാനാര്ത്ഥിയായ രവീന്ദ്രന് മാഷ് വിജയിച്ചപ്പോള് അനീഷ്കുമാര് വരെ കയ്യടിച്ചുവെന്ന് കഴിഞ്ഞ ദിവസം ഒരു റീല്സില് മുന് ഡിജിപി ജേക്കബ്ബ് തോമസ് പറഞ്ഞിരുന്നു. തൃശൂരിലെ ബിജെപി ഓഫീസില് തെരഞ്ഞെടുപ്പ് ഫലം കണ്ടുകൊണ്ടിരിക്കെയാണ് ഫോട്ടോ ഫിനിഷിംഗില് രവീന്ദ്രന് മാഷ് 126 വോട്ടുകള്ക്ക് ജയിച്ചത്. പ്രതാപന്റെ പരാജയത്തിലൂടെ മണലൂര് മണ്ഡലത്തില് ബിജെപിയ്ക്ക് വന്തോതില് മുന്നേറാന് സാധിക്കുമെന്നതാണ് അനീഷ്കുമാറിന്റെ കണക്കുകൂട്ടല്. ഒരു കാലത്ത് ഇടത് കോട്ടയായിരുന്ന മണലൂര് അതിവേഗം കാവിയിലേക്ക് നീങ്ങുകയാണ്. ഈ നീക്കം വരും നാളുകളില് ശക്തമാകും.
യുഡിഎഫ് സര്ക്കാരിന്റെ അവസാനഭരണമായിരിക്കും കേരളത്തിലേത് എന്ന ഒരു വിലയിരുത്തല് ശക്തമാണ്. അങ്ങിനെയെങ്കില് ഇപ്പോള് മന്ത്രിയാകാന് കഴിയാതെപോയ പ്രതാപിന് ഇനി വലിയ ശുഭഭാവിയില്ല. അതിനാല് പ്രതാപന് ഇനി ബിജെപിയിലേക്ക് നീങ്ങുന്നതാണ് നല്ലതെന്നാണ് ബിജെപി അനുഭാവികള് പലരും പ്രതാപനെ ട്രോളുന്നത്.
