വാഷിംഗ്ടൺ ; ഇന്ത്യാ സന്ദർശനത്തിന് തൊട്ടുമുമ്പ്, സുപ്രധാന പ്രസ്താവനയുമായി യുഎസ് സ്റ്റേറ്റ് സെക്രട്ടറി മാർക്കോ റൂബിയോ . ഇന്ത്യ വാങ്ങാൻ ആഗ്രഹിക്കുന്നത്രയും ഇന്ധനം ഇന്ത്യയ്ക്ക് നൽകാൻ യുഎസ് തയ്യാറാണെന്നാണ് മാർക്കോ റൂബിയോയുടെ പ്രഖ്യാപനം. ഇന്ത്യ മികച്ച സൗഹൃദരാജ്യമാണെന്നും, പങ്കാളിയാണെന്നും റൂബിയോ പറഞ്ഞു.
വെനിസ്വേലയുടെ ഇടക്കാല പ്രസിഡന്റ് ഡെൽസി റോഡ്രിഗസും അടുത്ത ആഴ്ച ഇന്ത്യ സന്ദർശിക്കുന്നുണ്ട് . ഈ സമയത്ത് ഇന്ത്യയിലേക്കുള്ള എണ്ണ വിൽപ്പന സംബന്ധിച്ച് ചർച്ചകൾ നടത്തുമെന്നും റൂബിയോ പറഞ്ഞു.
അടുത്തിടെയാണ് ഇന്ത്യ റഷ്യയിൽ നിന്ന് എണ്ണ വാങ്ങുന്നത് തുടരുമെന്ന് വ്യക്തമാക്കിയത് . ബാഹ്യസമ്മർദ്ദങ്ങൾക്കടിപ്പെടില്ലെന്നും ഇന്ത്യ പറഞ്ഞിരുന്നു. അതുകൊണ്ട് തന്നെ ലോകത്തിലെ ഏറ്റവും അസംസ്കൃത എണ്ണ ഇറക്കുമതി രാജ്യമായ ഇന്ത്യയെ റഷ്യയുമായുള്ള എണ്ണ വിതരണത്തിൽ നിന്ന് തടയാനും , ഇന്ത്യയെ പിണക്കാതെ ഒപ്പം നിർത്താനുമുള്ള ശ്രമമാണ് യുഎസിന്റേതെന്ന് വ്യക്തം.
