കോഴിക്കോട്:കാഫിര് സ്ക്രീന്ഷോട്ട് കേസില് അന്വേഷണം ഊര്ജിതമാക്കണമെന്ന് ആവശ്യപ്പെട്ട് പാറക്കല് അബ്ദുള്ള എംഎല്എ ആഭ്യന്തരമന്ത്രി രമേശ് ചെന്നിത്തലയ്ക്ക് കത്ത് നല്കി. രമേശ് ചെന്നിത്തലയുടെ ഓഫീസിലെത്തി കത്ത് നല്കുകയായിരുന്നു.
കേസില് ഡിവൈഎഫ്ഐ നേതാവ് റിബേഷ് രാമകൃഷ്ണന്റെ ഉള്പ്പെടെ ഫോണുകള് ഫോറന്സിക് പരിശോധന നടത്തണമെന്ന് ഹൈക്കോടതി ഉത്തരവിട്ടിരുന്നു. എന്നാല് നിര്ണായകമായ ശാസ്ത്രീയ തെളിവുകള് ഇതുവരെയും ശേഖരിച്ചിട്ടില്ല.
യഥാര്ഥ പ്രതികളെ പിടികൂടാതെ അന്വേഷണം അവസാനിപ്പിക്കാന് ശ്രമം നടക്കുകയാണെന്നാണ് പരാതി. നിരപരാധിയായ ഒരു യുവാവിനെ വേട്ടയാടാന് ശ്രമം നടന്നു. കേസില് കൃത്യമായ അന്വേഷണം നടക്കണമെന്നും കത്തില് പറയുന്നു.
കഴിഞ്ഞ ലോക്സഭാ തെരഞ്ഞെടുപ്പ് കാലത്തായിരുന്നു കാഫിര് സ്ക്രീന്ഷോട്ടുകള് പ്രചരിപ്പിച്ചത്.വടകരയില് കോണ്ഗ്രസിന്റെ ഷാഫി പറമ്പിലും സി പി എമ്മിന്റെ കെ കെ ശൈലജയും തമ്മിലുളള മത്സരത്തിലാണ് കാഫിര് സ്ക്രീന്ഷോട്ട് പ്രചരിച്ചത്. ഷാഫി ദീനിയായ മുസ്ലീമാണെന്നും ശൈലജ കാഫിറാണെന്നുമുളള സ്ക്രീന്ഷോട്ടാണ് വിവാദമായത്. എന്നാല് ഇത് സി പി എം കേന്ദ്രങ്ങളാണ് പ്രചരിപ്പിച്ചതെന്നാണ് ആരോപണം.
