കൊച്ചി:മലയിടംതുരുത്തിലെ കുടിയൊഴിപ്പിക്കലുമായി ബന്ധപ്പെട്ട് സമവായ ചര്ച്ച വെളളിയാഴ്ച രാത്രി നടക്കും.കളക്ടറേറ്റില് രാത്രി എട്ട് മണക്കാണ് ചര്ച്ച. കൊച്ചിയില് നടക്കുന്ന ചര്ച്ചയില് മന്ത്രി റോജി എം ജോണ്, വി.പി സജീന്ദ്രന് എംഎല്എ എന്നിവര് പങ്കെടുക്കും. ഉന്നതിയില് ഉള്ളവരുമായും പരാതിക്കാരുമായും ചര്ച്ച ചെയ്യും.
ശനിയാഴ്ച വൈകിട്ടോടുകൂടി മലയിടംതുരുത്തില് താമസിക്കുന്ന എട്ട് ദളിത് കുടുംബങ്ങളെയും ഒഴിപ്പിക്കണമെന്നാണ് പെരുമ്പാവൂര് മുന്സിഫ് കോടതി ഉത്തരവ്. ഈ ഘട്ടത്തിലാണ് സര്ക്കാരിന്റെ നിര്ണായക ഇടപെടല്.കുടുംബങ്ങളുമായി ചര്ച്ച നടത്താന് മന്ത്രി റോജി എം ജോണിനെ സര്ക്കാര് ചുമതലപ്പെടുത്തിയിരുന്നു.
കോടതിയില് നിന്ന് സാവകാശം തേടാനും സര്ക്കാരില് ആലോചനയുണ്ട്.അതിനിടെ കിട്ടിയ അവസരം മുതലാക്കാനാണ് സിപിഎം നീക്കം.സമരം കടുപ്പിക്കാനാണ് പാര്ട്ടി ഒരുങ്ങുന്നത്.സി പി എം ഭരണത്തിലിരുന്നപ്പോള് പരിഹരിക്കാനാകാത്ത പ്രശ്നം പ്രതിപക്ഷത്തായപ്പോള് അവിടെ താമസിക്കുന്ന കുടുംബങ്ങള്ക്കൊപ്പം ചേര്ന്ന് ആളിക്കത്തിക്കാനാണ് നീക്കം.
രണ്ടേക്കര് 65 സെന്റ് ഭൂമിയിലാണ് തര്ക്കം നിലനില്ക്കുന്നത്. ഒരു കാരണവശാലും ഒഴിയില്ലെന്നാണ് കുടുംബങ്ങള് പറയുന്നത്.2022 ലാണ് 19 ഏക്കറില് വരുന്ന രണ്ട് ഏക്കര് 60 സെന്റ് ഭൂമി കിഴക്കമ്പലം സ്വദേശി സ്വകാര്യ വ്യക്തിയുടേതാണെന്ന് കോടതി ഉത്തരവ് വരുന്നതും അഭിഭാഷക കമ്മീഷനെ നിയമിക്കുന്നതും. ഭൂമി ഏറ്റെടുക്കുന്നതുമായി ബന്ധപ്പെട്ട നടപടിക്രമങ്ങള് കാലങ്ങളായി നീളുകയാണ്.
