മുംബൈ : ഇന്ധന ഉപഭോഗം കുറയ്‌ക്കണമെന്ന പ്രധാനമന്ത്രി നരേന്ദ്ര മോദിയുടെ അഭ്യർത്ഥനയ്‌ക്ക് പിന്നാലെ വിധാൻ ഭവനിലേക്ക് എൻഫീൽഡിലെത്തി മഹാരാഷ്‌ട്ര മുഖ്യമന്ത്രി ദേവേന്ദ്ര ഫഡ്നാവിസ് . നിയമസഭാ കൗൺസിലിലേക്ക് പുതുതായി തിരഞ്ഞെടുക്കപ്പെട്ട അംഗങ്ങളുടെ സത്യപ്രതിജ്ഞാ ചടങ്ങിൽ പങ്കെടുക്കാനായിരുന്നു യാത്ര. കാറും, മറ്റ് സുരക്ഷാ വാഹനങ്ങളും ഒഴിവാക്കിയായിരുന്നു എൻഫീൽഡ് ക്ലാസിക് 350 ലെ യാത്ര.
‘ പ്രധാനമന്ത്രി @narendramodi ജിയുടെ അഭ്യർത്ഥന പ്രകാരം, നമ്മുടെ രാഷ്‌ട്രത്തിനായുള്ള ചെലവ് ചുരുക്കൽ നടപടികളോടുള്ള എന്റെ അഭിപ്രായം ഇതാ . സാധ്യമായ എല്ലാ വഴികളിലും ജീവിതശൈലിയിൽ മാറ്റങ്ങൾ വരുത്തണമെന്ന് ഞാൻ എല്ലാവരോടും അഭ്യർത്ഥിക്കുന്നു.‘ എന്ന കുറിപ്പോടെ യാത്രയുടെ ചിത്രങ്ങളും അദ്ദേഹം പങ്ക് വച്ചു.
ബിജെപി നേതാവും മന്ത്രിയുമായ ആശിഷ് ഷെലാറും മഹാരാഷ്‌ട്ര മുഖ്യമന്ത്രിയോടൊപ്പം ഉണ്ടായിരുന്നു. സുരക്ഷയിലുണ്ടായിരുന്ന പോലീസ് ബജാജ് പൾസർ 220 കളിൽ അദ്ദേഹത്തെ പിന്തുടർന്നു. രണ്ട് ദിവസം മുൻപ് മധ്യപ്രദേശ് മുഖ്യമന്ത്രി മോഹൻ യാദവ് യാത്ര ചെയ്തത് മെട്രോയിലായിരുന്നു. ഇതിന്റെ ദൃശ്യങ്ങളും പുറത്ത് വന്നിരുന്നു.
