ന്യൂദല്‍ഹി: കോണ്‍ഗ്രസ് നേതാവും ലോക്‌സഭ പ്രതിപക്ഷ നേതാവുമായ രാഹുല്‍ കഴിഞ്ഞ 22 വര്‍ഷത്തിനിടെ വിദേശയാത്രകള്‍ക്കായി ചെലവഴിച്ചത് 60 കോടി രൂപയാണെന്ന് ബിജെപി ദേശീയ വക്താവ് സംബിത് പത്ര.
22 വര്‍ഷത്തിനിടയില്‍ രാഹുല്‍ 54 വിദേശയാത്രകള്‍ നടത്തി. ഇതിന് ചെലവാക്കിയത് 60 കോടി, ഇതേ കാലയളവിലെ അദ്ദേഹത്തിന്റെ ആകെ വരുമാനത്തിന്റെ അഞ്ചിരട്ടിയാണ്. 2013-14 മുതല്‍ 2022-23 വരെ പത്ത് വര്‍ഷം രാഹുലിന്റെ വരുമാനം 11 കോടിയാണ്. 11 കോടി രൂപ സമ്പാദിച്ച ഒരാള്‍ എങ്ങനെയാണ് 60 കോടി രൂപ വിദേശയാത്രകള്‍ക്കായി ചെലവാക്കുക. അദ്ദേഹം ചോദിച്ചു.
ഓരോ വിദേശയാത്രയിലും മൂന്നോ നാലോ പേര്‍ രാഹുലിനൊപ്പം ഉണ്ടാകാറുണ്ടെന്നും പത്ര ചൂണ്ടിക്കാട്ടി. ഈ യാത്രകള്‍ക്കായി പണം നല്‍കുന്നത് ആരാണെന്നും ഇതിന് പിന്നില്‍ ഏതെങ്കിലും വിദേശ കമ്പനികളുടെ സഹായമുണ്ടോ എന്നും അദ്ദേഹം ചോദിച്ചു. വിദേശ സഹായം കൈപ്പറ്റിയിട്ടുണ്ടെങ്കില്‍ അത് രാജ്യത്തെ നിലവിലുള്ള നിയമങ്ങള്‍ പാലിച്ചാണോ എന്നും സംബിത് പത്ര ആരാഞ്ഞു.
