കണ്ണൂര് : മതം ജയിച്ചു, മതേതരത്വം തോറ്റു എന്ന വി.ഡി. സതീശന്റെ വിജയത്തെക്കുറിച്ച് കാസ പങ്കുവെച്ച പോസ്റ്റര് വൈറലായി. നിരവധി സമൂഹമാധ്യമ സൈറ്റുകള് ഈ പോസ്റ്റര് പങ്കുവെച്ചിരുന്നു.
മുഖ്യമന്ത്രിയായി തെരഞ്ഞെടുക്കപ്പെട്ട ശേഷം വി.ഡി. സതീശന് നല്ലൊരു ബാലന്സിങ്ങ് ആക്ട് നടത്തി. നേരെ കുതിച്ചത് ശ്രീപത്മനാഭസ്വാമി ക്ഷേത്രത്തിലേക്കാണ്. അവിടെ മുസ്ലിംലീഗില് നിന്നും പുരണ്ട ചെളി കഴുകിക്കളയാനാകണം നല്ലൊരു പ്രാര്ത്ഥന തന്നെ പാസാക്കി.
തീര്ത്തും മുസ്ലിം ലീഗിന്റെ സമ്മര്ദ്ദങ്ങള്ക്ക് കോണ്ഗ്രസ് വഴങ്ങിയതിന്റെ ഉദാഹണമാണ് സതീശന്റെ വിജയം. അറ്റ കൈക്ക് കോണ്ഗ്രസ് ഹൈക്കമാന്റിനെ വെട്ടിലാക്കാന് അമേഠി വയനാട്ടില് ആവര്ത്തിക്കുമെന്ന് രാഹുല് ഗാന്ധിക്കും പ്രിയങ്ക ഗാന്ധിയ്ക്കും മുസ്ലിം ലീഗ് സന്ദേശം നല്കിയിരുന്നു.
അമേഠിയില് 2921ല് സ്മൃതി ഇറാനി രാഹുല് ഗാന്ധിയെ തോല്പിച്ചതുപോലെ പ്രിയങ്ക ഗാന്ധിയെ വയനാട്ടില് തോല്പിക്കുമെന്നായിരുന്നു മുസ്ലിം ലീഗിന്റെ ഭീഷണി. ഇതുകൂടിയായപ്പോള് കോണ്ഗ്രസ് ഹൈക്കമാന്ഡ് ലീഗിന്റെ ഇച്ഛപോലെ സതീശനെ മുഖ്യമന്ത്രി സ്ഥാനാര്ത്ഥിയാക്കുകയായിരുന്നു.
