തിരുവനന്തപുരം: മുസ്ലിം ലീഗിനെ കഠിനമായി വിമര്‍ശിച്ച കോണ്‍ഗ്രസ് നേതാവ് മാത്യു കുഴല്നാടന് മന്ത്രിസ്ഥാനമില്ലെന്ന അഭ്യൂഹം സമൂഹമാധ്യമങ്ങളില്‍ പരക്കുന്നു. ഇതിന് പ്രധാനകാരണം മാത്യു കുഴല്നാടന് മുസ്ലിംലീഗിനെ വിമര്‍ശിച്ചതിനാലാണന്നും പറയപ്പെടുന്നു.
മുഖ്യമന്ത്രി വി.ഡി. സതീശനാകണമെന്ന മുസ്ലിം ലീഗിന്റെ ആവശ്യത്തിനെതിരെ മാത്യു കുഴല്‍ നാടന്‍ പൊട്ടിത്തെറിച്ചിരുന്നു. മുഖ്യമന്ത്രിയെ കോണ്‍ഗ്രസ് തീരുമാനിക്കുമെന്നും കോണ്‍ഗ്രസിന്റെ ആഭ്യന്തരകാര്യങ്ങളില്‍ മുസ്ലിംലീഗ് ഇടപെടേണ്ടതില്ലെന്നും മാത്യു കുഴല്നാടന് വിമര്‍ശിച്ചിരുന്നു. എന്നാല്‍ ഇതിനെതിരെ മുസ്ലീം ലീഗ് മാത്യുകുഴല്‍നാടനെയും വിമര്‍ശിച്ചിരുന്നു. മുസ്ലിം യൂത്ത് ലീഗ് മാത്യു കുഴല്‍നാടനെതിരെ മോശം ഭാഷയിലാണ് പ്രതികരിച്ചത്. കുഴല്‍നാടാ, നിന്റെ കുഴലൂത്ത് ലീഗിനെതിരെ വേണ്ട എന്നായിരുന്നു മുസ്ലിം യൂത്ത് ലീഗ് ഉയര്‍ത്തിയ ഫ്ലക്സ്. ഈ സന്ദര്‍ഭത്തില്‍ മാത്യു കുഴല്നാടന് വേണ്ടി സംസാരിക്കാന്‍ കോണ്ഗ്രസില് നിന്നും ഒരാളും ഉണ്ടായിരുന്നില്ലെന്ന് മാത്രമല്ല, രാജ് മോഹന്‍ ഉണ്ണിത്താന്‍ മാത്യു കുഴല്‍നാടനെ വിമര്‍ശിക്കുകയും ചെയ്തു. അല്‍പ്പന് ഐശ്വര്യം കിട്ടിയാല്‍ അര്‍ധരാത്രിയും കുടപിടിക്കുമെന്നായിരുന്നു രാജ് മോഹന്‍ ഉണ്ണിത്താന്റെ മാത്യു കുഴല്‍ നാടനെതിരായ പ്രതികരണം. ഇതോടെ താന്‍ അല്‍പ്പനാണെന്ന് പറഞ്ഞ് മാത്യു കുഴല്‍ നാടന്‍ പിന്‍വലിയുകയായിരുന്നു.
പിണറായി വിജയന്റെ മകള്‍ വീണ വിജയന്റെ കമ്പനി കരിമണല്‍ ലോബിയില്‍ നിന്നും അനധികൃതമായി പണം പങ്കുപറ്റുന്നു എന്ന ആരോപണമുള്‍പ്പെടെ ഇടത് സര്‍ക്കാരിന്റെ ഏറ്റവും വലിയ തലവേദനയായിരുന്നു മാത്യു കുഴല്നാടന്. ലൈഫ് മിഷന്‍ തട്ടിപ്പുമായി ബന്ധപ്പെട്ട് സ്വപ്ന സുരേഷിന്റെ വാട്സാപ് ചാറ്റുകള്‍ പുറത്തുവിട്ടും മാത്യു കുഴല്‍ നാടന്‍ നിയമസഭയില്‍ വലിയ പോര് നടത്തിയിരുന്നു. കോണ്ഗ്രസില് ഒരു പക്ഷെ വി.ഡി. സതീശനേക്കാള്‍ പ്രതിപക്ഷ ശബ്ദമായത് മാത്യു കുഴല്‍നാടനാണ്. നിവൃത്തിയില്ലാതെ വന്നപ്പോള്‍ മിച്ചഭൂമി കയ്യേറിയെന്ന കുറ്റത്തിന് മാത്യു കുഴല്‍നാടനെ പിണറായി വിജയന്‍ അറസ്റ്റ് ചെയ്യുകയും ചെയ്തു. പക്ഷെ ആ മാത്യു കുഴല്‍നാടനെ നിശ്ശബ്ദനാക്കുകയായിരുന്നു മുസ്ലിം ലീഗ്. ഇപ്പോള്‍ ലീഗിന്റെ അപ്രീതിക്ക് പാത്രമായ മാത്യു കുഴല്നാടന് മന്ത്രിസ്ഥാനമില്ലെന്നും അഭ്യൂഹം പരക്കുകയാണ്. കോണ്ഗ്രസില് നിന്നും മാത്യു കുഴല്നാടന് മന്ത്രിയായേക്കുമെന്ന് കരുതപ്പെട്ടിരുന്നു.
