ഗുരുവായൂര്: ഗുരുവായൂര് ക്ഷേത്രത്തിന്റെ വികസനത്തിന്റെ പേരുപറഞ്ഞ് അശാസ്ത്രീയമായ രീതിയിലുള്ള കുടിയൊഴിപ്പിക്കലിനെതിരെ ഗുരുവായൂര് ക്ഷേത്ര പരിസരത്തെ ഭൂവുടമകള് സമരത്തിലേക്ക്. ശാസ്ത്രീയമായ മാസ്റ്റര് പ്ലാനിന്റെ അഭാവത്തിലുള്ള ലാന്റ് അക്വിസേഷന് നടപടികള് നിറുത്തിവെയ്ക്കണമെന്നും, 2011 ല് അക്വിസേഷന് നടപടികളില് നിന്നും റദ്ദാക്കിയ ഭൂമിയാണ് വീണ്ടും അക്വയര് ചെയ്യാന് വിജ്ഞാപനം വന്നിട്ടുള്ളത്.
2013 ലെ ഭൂമി ഏറ്റെടുക്കല് നിയമങ്ങള് ഒന്നുംതന്നെ പാലിക്കപ്പെടാതേയാണ് അക്വിസേഷന് നടപടികള്ക്കായുള്ള വിജ്ഞാപനം പുറപ്പെടുവിച്ചിട്ടുള്ളത്. ക്ഷേത്ര പാരമ്പര്യ പ്രവര്ത്തിക്കാര്ക്ക് ക്ഷേത്രപരിസരത്തുതന്നെ സ്ഥിരതാമസം ഉറപ്പുവരുത്തണമെന്നും, ഒഴിയ്ക്കപ്പെടുന്ന വ്യാപാരികള്ക്ക് അക്വിസേഷന് നടപടികള്ക്ക് മുമ്പുതന്നെ പുനരധിവാസം ഉറപ്പുവരുത്തണമെന്നും, ഏറ്റെടുക്കുന്ന ഭൂമിയ്ക്ക് കമ്പോളവില ലഭ്യമാക്കണമെന്നും ഭൂവുടമ കൂട്ടായ്മ ആവശ്യപ്പെട്ടു.
ഭൂ ഉടമകള് സമരത്തിലേക്ക് വിദഗ്ധ സമിതി റിപ്പോര്ട്ട് പാലിക്കപ്പെട്ടില്ല കലക്ടര് നിശ്ചയിച്ച വിദഗ്ധ സമിതിയുടെ റിപ്പോര്ട്ടിലെ പരാമര്ശങ്ങള് ഒന്നുംതന്നെ പാലിയ്ക്കപ്പെട്ടിട്ടില്ലെന്ന് ഭൂവുടമ കൂട്ടായ്മ ഭാരവാഹികള് വാര്ത്താസമ്മേളനത്തില് അറിയിച്ചു. വികസനത്തിന്റെ പേരില് നടക്കുന്ന ഈ അശാസ്ത്രീയ നടപടിക്കെതിരെ പ്രത്യക്ഷ സമരപരിപാടികള് ആസൂത്രണം ചെയ്യുമെന്ന് ഭൂവുടമ കൂട്ടായ്മ ഭാരവാഹികളായ ഗുരുവായൂര് നഗരസഭ കൗണ്സിലര് ശോഭ ഹരിനാരായണന്, മനോജ് മേനോന്, ഗുരുവായൂര് ക്ഷേത്രം കീഴ്ശാന്തി കൊടയ്ക്കാട്ട് കൃഷ്ണന് നമ്പൂതിരി, ടി. നിരാമയന്, നന്ദകുമാര് വീട്ടിക്കിഴി എന്നിവര് വാര്ത്താസമ്മേളനത്തില് അറിയിച്ചു.
