പുതുച്ചേരി: പുതുച്ചേരിയില് എന്ഡിഎ സര്ക്കാര് വീണ്ടും അധികാരത്തിലേക്ക്. മുഖ്യമന്ത്രിയായി എഐഎന്ആര്സി സ്ഥാപക നേതാവ് എന്. രംഗസാമി ഇന്ന് വീണ്ടും സത്യപ്രതിജ്ഞ ചെയ്യും. രാവിലെ 9.47ന് ലോക് നിവാസില് നടക്കുന്ന ചടങ്ങില് ലെഫ്റ്റനന്റ് ഗവര്ണര് കെ. കൈലാസനാഥന് സത്യവാചകം ചൊല്ലിക്കൊടുക്കും.
അഞ്ചാം തവണയാണ് രംഗസാമി പുതുച്ചേരി മുഖ്യമന്ത്രിയാവുന്നത്. ബിജെപി ദേശീയ അധ്യക്ഷന് നിതിന് നബീന് ഉള്പ്പെടെയുള്ളവര് സത്യപ്രതിജ്ഞാചടങ്ങില് പങ്കെടുക്കും. എന്. രംഗസാമിയെ കഴിഞ്ഞ ദിവസം രാഷ്ട്രപതി ദ്രൗപദി മുര്മു മുഖ്യമന്ത്രിയായി നിയമിച്ചിരുന്നു.
നിയമസഭാതെരഞ്ഞെടുപ്പില് 30ല് 18 സീറ്റ് നേടിയാണ് എന് ഡിഎ സംസ്ഥാനത്ത് തുടര്ഭരണം നേടിയത്. എഐഎന്ആര്സി 12, ബിജെപി നാല്, എഐഎഡിഎംകെയും ലക്ഷിയ ജനനായക കക്ഷിയും ഓരോ സീറ്റ് വീതവുമാണ് നേടിയത്.
