മലപ്പുറം : മലപ്പുറം ജില്ല വിഭജിക്കണമെന്ന മുസ്ലീം ലീഗിന്റെ ആവശ്യം ഉന്നയിച്ച് തിരൂർ സബ് കലക്ടർ ദിലീപ് കൈനിക്കുളങ്ങര . തന്റെ ഫേസ്ബുക്ക് പോസ്റ്റിലൂടെയാണ് വിഭജനം ഉൾപ്പെടെയുള്ള അഞ്ച് പ്രധാന നിർദ്ദേശങ്ങൾ അദ്ദേഹം മുന്നോട്ടുവെച്ചത്.
‘ ഭരണപരമായ സൗകര്യത്തിനും ജനങ്ങൾക്ക് സർക്കാർ സേവനങ്ങൾ വേഗത്തിൽ ലഭ്യമാക്കുന്നതിനും മലപ്പുറം പോലുള്ള വലിയ ജില്ലകൾ വിഭജിക്കേണ്ടത് അത്യന്താപേക്ഷിതമാണ് . ഒരു ലോകസഭാ മണ്ഡലത്തിന്റെ പരിധിയിൽ വരുന്ന ഏഴ് നിയമസഭാ മണ്ഡലങ്ങൾ ഉൾക്കൊള്ളുന്നതാകണം ഒരു ജില്ലയുടെ വിസ്തൃതിയെന്നും ‘ ആണ് ദിലീപ് കൈനിക്കുളങ്ങര പറയുന്നത് .
വർഷങ്ങളായി മലപ്പുറത്തുള്ള മതമൗലികവാദികളുടെ ആവശ്യമാണ് ദിലീപ് കൈനിക്കുളങ്ങരയും ഉന്നയിച്ചിരിക്കുന്നത് . കോൺഗ്രസിൽ മുഖ്യമന്ത്രി ചർച്ചകൾ നടക്കുന്നതിനിടെയാണ് ദിലീപ് കൈനിക്കുളങ്ങര ഈ ആവശ്യം ഉന്നയിച്ചിരിക്കുന്നത് . ലീഗ് പിന്തുണയ്ക്കുന്ന വി ഡി സതീശൻ അധികാരത്തിലേറിയാൽ ഒരുപക്ഷെ ഈ ആവശ്യം പരിഗണിച്ചേക്കാമെന്നാണ് ചിലർ കമന്റ് ചെയ്യുന്നത്.
