ന്യൂദല്ഹി: പ്രമുഖ സ്മാർട്ട്ഫോൺ ബ്രാൻഡ് മോട്ടോറോള, ഫ്ലിപ്കാർട്ട് സമ്മർ സെയിൽ 2026-ന്റെ ഭാഗമായി തങ്ങളുടെ വിവിധ മോഡലുകൾക്ക് ആകർഷകമായ ഓഫറുകൾ പ്രഖ്യാപിച്ചു. പ്രീമിയം എഡ്ജ് സീരീസ് മുതൽ ജനപ്രിയമായ ജി സീരീസ് വരെയുള്ള ഫോണുകൾക്ക് വൻ വിലക്കുറവും മറ്റ് ആനുകൂല്യങ്ങളുമാണ് കമ്പനി വാഗ്ദാനം ചെയ്യുന്നത്. മെയ് 7 മുതൽ ആരംഭിച്ച ഈ സെയിലിലൂടെ അത്യാധുനിക എഐ ഫീച്ചറുകളുള്ള സ്മാർട്ട്ഫോണുകൾ ഏറ്റവും കുറഞ്ഞ നിരക്കിൽ സ്വന്തമാക്കാൻ ഉപഭോക്താക്കൾക്ക് സാധിക്കും. വരാനിരിക്കുന്ന വിലവർദ്ധനവിന് മുന്നോടിയായാണ് മോട്ടോറോള ഈ പരിമിതകാല ഓഫറുകൾ അവതരിപ്പിച്ചിരിക്കുന്നത്.
മോട്ടോറോളയുടെ പ്രീമിയം മോഡലായ എഡ്ജ് 70 ഫ്യൂഷൻ ഇപ്പോൾ 24,999 രൂപ മുതലുള്ള ഫലപ്രദമായ വിലയിൽ ലഭ്യമാണ്. ലോകത്തിലെ ആദ്യത്തെ 50 എംപി സോണി ലിറ്റിയ 710 ക്യാമറയും മികച്ച ലോ-ലൈറ്റ് ഫോട്ടോഗ്രഫി സൗകര്യവുമാണ് ഇതിന്റെ പ്രധാന ആകർഷണം. അതുപോലെ 1.5കെ ക്വാഡ് കേർവ്ഡ് ഡിസ്പ്ലേയോട് കൂടിയ എഡ്ജ് 60 ഫ്യൂഷൻ 19,999 രൂപയ്ക്കും 50X എഐ സൂം ക്യാമറയുള്ള എഡ്ജ് 60 പ്രോ 27,999 രൂപയ്ക്കും സ്വന്തമാക്കാം. വെറും 5.99 മില്ലിമീറ്റർ മാത്രം കനമുള്ള അൾട്രാ സ്ലിം ഫോണായ മോട്ടോറോള എഡ്ജ് 70-ന് 27,999 രൂപയാണ് സെയിൽ കാലയളവിലെ വില.
സാധാരണക്കാർക്കായി കരുത്തുറ്റ ബാറ്ററിയും മികച്ച പെർഫോമൻസും വാഗ്ദാനം ചെയ്യുന്ന ജി സീരീസ് ഫോണുകളിലും വമ്പിച്ച ഇളവുകളുണ്ട്. 7000എംഎഎച്ച് ബാറ്ററിയുമായി എത്തുന്ന മോട്ടോ ജി57 പവർ 15,999 രൂപയ്ക്കും 120ഹേർട്സ് ഡിസ്പ്ലേയുള്ള മോട്ടോ ജി06 പവർ വെറും 9,999 രൂപയ്ക്കും ലഭ്യമാകും. മികച്ച ക്യാമറയും പ്രോസസറുമുള്ള മോട്ടോ ജി67 പവർ 16,499 രൂപയ്ക്കും കേർവ്ഡ് ഡിസ്പ്ലേയുമായി എത്തുന്ന മോട്ടോ ജി96 17,999 രൂപയ്ക്കും ഈ സെയിലിലൂടെ വാങ്ങാൻ സാധിക്കും. എല്ലാ ബജറ്റുകാർക്കും അനുയോജ്യമായ രീതിയിൽ വിപുലമായ നിരയാണ് മോട്ടോറോള ഇത്തവണ ഒരുക്കിയിരിക്കുന്നത്.
ബാങ്ക് ഓഫറുകൾക്കും എക്സ്ചേഞ്ച് ബോണസുകൾക്കും പുറമെയാണ് ഈ പ്രത്യേക വിലക്കുറവുകൾ ലഭ്യമാകുന്നത്. സ്മാർട്ട്ഫോണുകൾ അപ്ഗ്രേഡ് ചെയ്യാൻ ആഗ്രഹിക്കുന്നവർക്ക് ഏറ്റവും മികച്ച അവസരമാണ് മോട്ടോറോള സമ്മർ സെയിൽ 2026.
