ചെന്നൈ: തമിഴ്നാട്ടില് സര്ക്കാര് രൂപീകരണ ശ്രമങ്ങളില് വീണ്ടും ട്വിസ്റ്റ്. ടി വി കെ നേതാവ് വിജയ്യെ സര്ക്കാരുണ്ടാക്കാന് ഗവര്ണര് ക്ഷണിച്ചിട്ടില്ലെന്ന റിപ്പോര്ട്ട് പുറത്തു വരുന്നു. ആകെ 234 സീറ്റുകളുള്ള നിയമസഭയില് ഭരിക്കാന് 118 എംഎല്എമാരുടെ പിന്തുണ ആവശ്യമായിരിക്കെ വിജയ്ക്ക് നിലവില് 116 പേരുടെ പിന്തുണ മാത്രമേ ഉറപ്പാക്കാന് കഴിഞ്ഞിട്ടുള്ളൂ എന്നാണ് വിവരം.
ശനിയാഴ്ച നടക്കേണ്ടിയിരുന്ന സത്യപ്രതിജ്ഞാ ചടങ്ങുകള് മാറ്റിവച്ചതായും റിപ്പോര്ട്ടുകള് സൂചിപ്പിക്കുന്നു.വിജയ്ക്ക് പിന്തുണ പ്രഖ്യാപിച്ച് വിസികെ, ഗവര്ണര്ക്ക് നല്കാനുള്ള പിന്തുണക്കത്ത് നല്കിയിട്ടില്ല. മുസ്ലീം ലീഗും കത്ത് നല്കിയിട്ടില്ല. ഇതോടെ വിജയ്ക്ക് ഭൂരിപക്ഷം തെളിയിക്കാനായില്ല.
വിസികെയ്ക്ക് മേല് ഡിഎംകെ സമ്മര്ദം ചെലുത്തുന്നുണ്ടെന്നാണ് സൂചന. വിസികെ അധ്യക്ഷന് സ്റ്റാലിനുമായി കൂടിക്കാഴ്ച നടത്തിയെന്ന വിവരവും പുറത്തു വരുന്നുണ്ട്.
അതിനിടെ, രാത്രി ലോക്ഭവനില് എത്തിയ എ എം എം കെ നേതാവ് ടി ടി വി ദിനകരന് എടപ്പാടി പളനി സ്വാമിയെ മുഖ്യമന്ത്രിയാക്കണമെന്ന് ആവശ്യപ്പെട്ടു. തങ്ങളുടെ എം എല് എയെ കാണാനില്ലെന്നും ടി വി കെ തട്ടിക്കൊണ്ടു പോയെന്നും പരാതിപ്പെട്ടു.
ജന്മഭൂമി ഓണ്ലൈന്