പാലക്കാട് : കേരളത്തിൽ വോട്ടിംഗ് ശതമാനം ഉയർത്തി ബിജെപി വളരുകയാണെന്ന് ബിജെപി നേതാവ് ശോഭാ സുരേന്ദ്രൻ. തെരഞ്ഞെടുപ്പിൽ തോറ്റുവെന്നതിന്റെ പേരിൽ കരഞ്ഞ് മെഴുകുകയല്ല തങ്ങളെന്നും , ആഹ്ലാദിക്കുകയണെന്നും ശോഭാ സുരേന്ദ്രൻ പറയുന്നു.
‘ വോട്ട് മറിച്ച് പാലക്കാട് നിങ്ങൾ എന്നെ പരാജയപ്പെടുത്തി . അങ്ങനെയെങ്കിൽ കേരള നിയമസഭയുടെ പുറത്ത് ബിജെപിയുടെ കാവൽക്കാരിയായി ഞാൻ ഉണ്ടാകും എന്ന് പറയാനുള്ള അവസരമാണിത് . ചില ഓൺലൈൻ മീഡിയകൾ പറയുന്നു ഇവിടെ ചിലർ കരഞ്ഞ് മെഴുകുന്നുവെന്ന് , ഈ പരാജയങ്ങൾക്ക് മുന്നിലൊന്നും കരയുന്നവരല്ല ഞങ്ങൾ .
കരഞ്ഞിട്ടുണ്ട് ഈ രാജ്യത്തിനു വേണ്ടി അതിർത്തിയിൽ കാവൽ നിന്ന പട്ടാളക്കാർ വീരമൃത്യൂ വരിച്ച് അവരുടെ ശരീരങ്ങൾ വീട്ടിലേയ്ക്ക് എത്തിയപ്പോൾ അന്ന് കരഞ്ഞിട്ടുണ്ട്. കണ്ണൂരിലെ ജയകൃഷ്ണൻ മാസ്റ്ററുടെ മൃതദേഹം കണ്ടപ്പോൾ കരഞ്ഞിട്ടുണ്ട്.
ഇത് ഞങ്ങൾ ചിരിക്കുന്ന സമയമാണ് . ജനാധിപത്യത്തെ അമർച്ച ചെയ്ത മമതയെ തോല്പിച്ച് ബംഗാൾ പിടിച്ച സമയമാണീത്. അടുത്ത് കേരളത്തിന്റെ ഭരണമാണ് നമ്മൾ പിടിക്കുന്നത് . ശോഭ പ്രസ്ഥാനത്തിനു വേണ്ടി അഹോരാത്രം പ്രയ്ത്നിച്ചുവെന്ന് പറഞ്ഞത് മറ്റാരുമല്ല ഈ രാജ്യത്തിന്റെ പ്രധാനമന്ത്രിയാണ്. അതിൽ കൂടുതൽ എന്താണ് വേണ്ടത്. ‘ എന്നും ശോഭാ സുരേന്ദ്രൻ പറഞ്ഞു.
