തിരുവനന്തപുരം : കേരളത്തില് മുഖ്യമന്ത്രിയെ നിശ്ചയിക്കാന് നിയോഗിച്ച എഐസിസി നിരീക്ഷകരായ മുകുള് വാസ്നിക്കും അജയ് മാക്കനും തിരുവനന്തപുരത്തെത്തി.ദല്ഹിയിലായിരുന്ന രമേശ് ചെന്നിത്തലയും നിരീക്ഷകരും ഒരേ വിമാനത്തിലാണ് എത്തിയത്.
നിരീക്ഷകരെ സ്വീകരിക്കാന് കെപിസിസി അധ്യക്ഷന് സണ്ണി ജോസഫ് ഉള്പ്പെടെയുള്ളവരെത്തി. നിയമസഭാ കക്ഷിയില് എല്ലാവരുടെയും അഭിപ്രായം കേട്ട ശേഷം തീരുമാനമെടുക്കുമെന്ന് അജയ് മാക്കന് പറഞ്ഞു.
അതേസമയം,താന് ദല്ഹിക്ക് പോയത് മഹാരാഷ്ട്രയിലെ ഡി സി സി അധ്യക്ഷരുടെ കാര്യം ചര്ച്ച ചെയ്യാനാണെന്ന് രമേശ് ചെന്നിത്തല പറഞ്ഞു. കേരളത്തിലെ വിജയത്തില് മല്ലികാര്ജുന് ഖര്ഗെയും രാഹുല് ഗാന്ധിയും അഭിനന്ദിച്ചു. മുഖ്യമന്ത്രി ചര്ച്ചയില് ഘടക കക്ഷികളുടെ അഭിപ്രായം തേടുമോയെന്ന് അറിയില്ലെന്ന് രമേശ് ചെന്നിത്തല പ്രതികരിച്ചു.
