ന്യൂദല്ഹി : മുഖ്യമന്ത്രി ആരാകുമെന്ന ചര്ച്ചകള്ക്കിടെ ദല്ഹിയിലെത്തിയ എ ഐ സി സി ജനറല് സെക്രട്ടറി കെസി വേണുഗോപാലിന് ഊഷ്മള സ്വീകരണം.വിമാനത്താവളത്തില് നിരവധി പ്രവര്ത്തകരാണ് അദ്ദേഹത്തെ സ്വീകരിക്കാന് എത്തിയത്.
കോണ്ഗ്രസ് അധ്യക്ഷന് മല്ലികാര്ജുന് ഖര്ഗെയുടെ ദല്ഹിയിലെ വസതിയില് നടക്കുന്ന നിര്ണായക യോഗത്തില് കെ സി വേണുഗോപാലും പങ്കെടുക്കും. രാഹുല് ഗാന്ധിയും യോഗത്തില് പങ്കെടുക്കുന്നുണ്ട്.കേരളത്തില് മുഖ്യമന്ത്രി ആരായിരിക്കും എന്നതടക്കം കാര്യങ്ങളില് യോഗത്തില് ആശയവിനിമയം നടക്കും.
കേരളത്തിലെ തിരഞ്ഞെടുപ്പ് വിജയത്തിനുശേഷമാണ് കെസി വേണുഗോപാല് ദല്ഹിയില് എത്തുന്നത്.കഴിഞ്ഞ പത്ത് വര്ഷത്തെ എല്ഡിഎഫിന്റെ ഭരണം കേരളത്തിലെ ജനങ്ങള്ക്ക് മടുത്തുവെന്നും ജനങ്ങള്ക്ക് യുഡിഎഫില് പരിപൂര്ണ വിശ്വാസമുണ്ടെന്നും കെ സി വേണുഗോപാല് മാധ്യമങ്ങളോട് പറഞ്ഞു.
