ചണ്ഡീഗഢ് : ബംഗാളിലും അസമിലും പോണ്ടിച്ചേരിയിലും ബിജെപി തൂത്തുവാരിയതോടെ 2027ല് പഞ്ചാബില് നടക്കാന് പോകുന്ന നിയമസഭാ തെരഞ്ഞെടുപ്പിനെക്കുറിച്ച് സമൂഹമാധ്യമങ്ങളില് കമന്റുകള് നിറയുകയാണ്. 2027ല് ഇനി പഞ്ചാബില് രാഘവ് ഛദ്ദ ആംആദ്മി സര്ക്കാരിനെ ചൂലുകൊണ്ട് തൂത്ത് കളയുമെന്ന കമന്റാണ് ഇതില് അധികവും.
തോല്വികളില് നിന്നും പാഠം ഉള്ക്കൊള്ളുകയും കൃത്യമായി വിജയതന്ത്രങ്ങള് ആസൂത്രണം ചെയ്യുകയും ചെയ്യുന്ന ബിജെപിയുടെ ആത്മനിര്ഭര് ഇലക്ഷന് എഞ്ചിനീയറിങ്ങ് ഇപ്പോള് രാജ്യമെങ്ങും ചര്ച്ചയാവുകയാണ്. തനിക്ക് ശേഷം തന്റെ മകനെയോ മരുമകനെയോ നേതാവാക്കുന്ന കുടുംബരാഷ്ട്രീയമല്ല ബിജെപിയുടേത്. എതിരാളികള്ക്കിടയിലാണെങ്കിലും മുത്തുണ്ടെങ്കില് അമിത് ഷായും മോദിയും അത് വാരിയെടുക്കും. അതിന്റെ ഫലമാണ് മമത പുറത്തുകളഞ്ഞ സുവേന്ദു അധികാരിയെ ബിജെപിയില് എടുത്ത് വളര്ത്തി ഇപ്പോള് മുഖ്യമന്ത്രിക്കസേര നല്കുന്നത്. അസമില് ഗൊഗോയ് കുടുംബത്തിന് വേണ്ടി സോണിയയും രാഹുലും തോട്ടിലെറിഞ്ഞ ഹിമന്ത ബിശ്വശര്മ്മയെ എടുത്തു വളര്ത്തി ഇന്ന് മുഖ്യമന്ത്രിക്കസേരയില് മൂന്നാം തവണയും ഇരുത്തുന്നത്.
ഇനി പഞ്ചാബിലെ കളികള് കാണാന് പോകുന്നതേയുള്ളൂ. അരവിന്ദ് കെജ്രിവാളിന്റെ അവസാനകോട്ടയും കാവിക്കടല് എടുക്കാറായി എന്നാണ് കമന്റുകള്.
