അസമില്‍ രാഹുല്‍ ഗാന്ധിയുടെ ഒക്കച്ചങ്ങാതിയായ ഗൗരവ് ഗൊഗോയി തോറ്റു.ജോര്‍ഹട്ട് മണ്ഡലത്തില്‍ ബിജെപിയുടെ ഹിതേന്ദ്രനാഥ് ഗോസ്വാമിയാണ് ഗൗരവ് ഗൊഗോയുടെ അന്തകനായത്.
അസമില്‍ ഹിമന്ത ബിശ്വശര്‍മ്മയ്‌ക്കെതിരെ നുണപ്രചാരണങ്ങള്‍ നടത്തിയ നേതാവാണ് ഗൗരവ് ഗൊഗോയ്. ഹിമന്ത ബിശ്വ ശര്‍മ്മയുടെ ഭാര്യയ്‌ക്ക് മൂന്ന് വിദേശ പാസ്പോര്‍ട്ടുകള്‍ ഉണ്ടെന്നും യുഎഇയില്‍ വന്‍സ്വത്തുക്കളുണ്ടെന്നുമുള്ള ആരോപണം കോണ്‍ഗ്രസ് വക്താവ് പവന്‍ ഖേരയെക്കൊണ്ട് പറയിച്ചത് ഗൗരവ് ഗൊഗോയി ആണെന്ന് കരുതപ്പെടുന്നു. കോണ്‍ഗ്രസിന്റെ മുന്‍ മുഖ്യമന്ത്രിയായിരുന്ന തരുണ്‍ ഗൊഗോയുടെ മകനാണ് ഗൗരവ് ഗൊഗോയ്. ഇവിടെ ഹിമന്തയെ തഴഞ്ഞ് ഗാന്ധി കുടുംബം ഉയര്‍ത്തിക്കൊണ്ട് വന്നത് ഗൗരവ് ഗൊഗോയിയാണ്. കഴിവുറ്റ നേതാവായ ഹിമന്ത ശര്‍മ്മയെ ഗാന്ധി കുടുംബം ഒറ്റപ്പെടുത്തുന്നത് കണ്ട് വേദനിച്ചാണ് മോദി ഹിമന്തയെ ബിജെപിയില്‍ എടുത്തത്.
അഞ്ച് തവണ ജോര്‍ഹട്ടല്‍ എംഎല്‍എ ആയ നേതാവാണ് ഹിതേന്ദ്രനാഥ് ഗോസ്വാമി. പക്ഷെ ഗൗരവ് ഗൊഗോയി ഇപ്പോള്‍ ജോര‍്ഹട് ലോക് സഭാ മണ്ഡലത്തിലെ എംപിയാണ്. 2024ലെ ലോക്സഭാ തെരഞ്ഞെടുപ്പില്‍ ഗൗരവ് ഗൊഗോയി ഇവിടെ നിന്നും വിജയിച്ചിരുന്നു.
ഗൗരവ് ഗൊഗോയിയുടെ ഭാര്യക്ക് പാകിസ്ഥാന്‍ ബന്ധം
ഗൗരവ് ഗൊഗോയിക്കെതിരെ ഗുരുതരമായ ആരോപണം ഈ തെരഞ്ഞെടുപ്പ് കാലത്ത് ഹിമന്ത ബിശ്വ ശര്‍മ്മ ഉയര‍്ത്തിയിരുന്നു. ബ്രിട്ടീഷ് പൗരവയായ എലിസബത്ത് കോള്‍ബേണ്‍ എന്ന സ്ത്രീയെയാണ് ഗൗരവ് ഗൊഗോയി വിവാഹം കഴിച്ചിരിക്കുന്നത്. ഇവര്‍ക്ക് ബ്രിട്ടീഷ് പൗരത്വം ഇപ്പോഴുമുണ്ട്. മാത്രമല്ല, പാകിസ്ഥാനിലെ ചില സംഘടനകളുമായി ഇവര്‍ പുലര്‍ത്തുന്ന ബന്ധം ശരിയല്ലെന്നും ഹിമന്ത ബിശ്വ ശര്‍മ്മ ആരോപിച്ചിരുന്നു.
ബിജെപിയ്‌ക്ക് അസമില്‍ മൃഗീയ ഭൂരിപക്ഷം
അസമില്‍ എക്സിറ്റ് പോള്‍ പ്രവചനങ്ങള്‍ പോലെ തന്നെ ബിജെപി നേതൃത്വത്തിലുള്ള എന്‍ഡിഎ തൂത്തുവാരിയിരുന്നു. ആകെയുള്ള 126 സീറ്റുകളില്‍ 100 സീറ്റുകളില്‍ ബിജെപി മുന്നിലാണ്. വെറും 22 സീറ്റുകളില്‍ മാത്രമാണ് കോണ്‍ഗ്രസ് മുന്നില്‍ നില്‍ക്കുന്നത്.
