പാലക്കാട് ശോഭാസുരേന്ദ്രൻ മുന്നിൽ; 6834 വോട്ടുകൾക്കാണ് ശോഭ സുരേന്ദ്രൻ ലീഡ് ചെയ്യുന്നത്. അതേസമയം, കേരളത്തിൽ യുഡിഎഫ് തരംഗമാണ്. യു.ഡി.എഫ് കേന്ദ്രങ്ങളിൽ ആഘോഷങ്ങൾക്ക് തുടക്കമായി. വിപുലമായ സൗകര്യങ്ങളോടെ വോട്ടെണ്ണൽ കാണാൻ കാത്തിരുന്ന കെ.പി.സി.സി ആസ്ഥാനത്ത് നേരത്തെ തന്നെ ആഘോഷങ്ങൾക്ക് തുടക്കം കുറിച്ചു. പോസ്റ്റൽ വോട്ടിൽ ഇഞ്ചോടിഞ്ച് പ്രകടനമായിരുന്നു യു.ഡി.എഫും എൽ.ഡി.എഫും കാഴ്ചവെച്ചത്.
എന്നാൽ, എണ്ണൽ ഇ.വി.എമ്മിലേക്ക് മാറിയതോടെ യു.ഡി.എഫ് വ്യക്തമായ മേധാവിത്വം സ്ഥാപിച്ച് കുതിപ്പ് തുടങ്ങി. ഇതിനിടയിൽ മുഖ്യമന്ത്രി പിണറായി വിജയൻ ധർമടത്തും പിന്നിലാണെന്ന് വാർത്ത വന്നതോടെ കെ.പി.സി.സി ആസ്ഥാനത്തും യു.ഡി.എഫ് കേന്ദ്രങ്ങളിലും ആഘോഷങ്ങൾ പാരമ്യത്തിലെത്തി. കെ.പി.സി.സി പ്രസിഡന്റ് സണ്ണി ജോസഫ് ഉൾപ്പെടെ കോൺഗ്രസ് നേതാക്കൾ വോട്ടെണ്ണൽ ഫലം കാണാൻ ഇന്ദിരാ ഭവനിലുണ്ടായിരുന്നു.
