തിരുവനന്തപുരം: മണ്ണൂം ചാരിനിന്നവന് പെണ്ണും കൊണ്ടുപോകുമോ എന്ന ആശങ്കയില് സതീശന് പക്ഷവും ചെന്നിത്തല പക്ഷവും. തെരഞ്ഞെടുപ്പ് കാലത്ത് മാത്രമല്ല, കഴിഞ്ഞ അഞ്ച് വര്ഷം പ്രതിപക്ഷനേതാവായി പ്രവര്ത്തിച്ച സതീശനെ യുഡിഎഫ് അധികാരത്തില് വന്നാല് മുഖ്യമന്ത്രിസ്ഥാനത്ത് നിന്നും ഒഴിച്ചുനിര്ത്തുമോ എന്ന ആശങ്കയിലാണ് സതീശന് പക്ഷത്തെ നേതാക്കളും പ്രവര്ത്തകരും.
കെ.സി. വേണുഗോപാല് എംപിയാണ്, ഹൈക്കമാന്ഡ് നേതാവാണ് എന്നതല്ലാതെ കേരളത്തില് ഒതുങ്ങിനിന്ന് പ്രവര്ത്തിച്ച ആളല്ലെന്നിരിക്കെ എങ്ങിനെയാണ് ഒരു ദിവസം മുഖ്യമന്ത്രിയാക്കുക എന്ന ചോദ്യമാണ് സതീശന് പക്ഷത്തെ പ്രവര്ത്തകര് ഉയര്ത്തുന്നത്. രമേശ് ചെന്നിത്തലയും മുഖ്യമന്ത്രിയാകാന് ചില ശ്രമങ്ങള് മാധ്യമങ്ങളിലൂടെ നടത്തിയിരുന്നു. ലക്ഷങ്ങള് മുടക്കി ഒരു കോണ്ഗ്രസ് പ്രവര്ത്തകനെക്കൊണ്ട് പത്രങ്ങളില് പരസ്യം നല്കിയാണ് താനും മുഖ്യമന്ത്രിക്കസേരയ്ക്ക് അര്ഹനാണെന്ന് ചെന്നിത്തല കേരളത്തെ അറിയിക്കാന് ശ്രമിച്ചത്. കോണ്ഗ്രസിനുള്ളിലെ ഈ കസേരനാടകം ഇപ്പോഴേ കോണ്ഗ്രസിനാകെ നാണക്കേടായിരിക്കുകയാണ്.
പാര്ലമെന്റില് രാഹുല് ഗാന്ധിയുടെ തൊട്ടടുത്തിരുന്ന് ചെവിതിന്ന് ഹൈക്കമാന്റ് പദവിയില് എത്തുകയും ഗാന്ധി കുടുംബത്തിലേക്ക് കയറിപ്പറ്റുകയും ചെയ്തയാളാണ് വേണുഗോപാലെന്ന് സതീശന് പക്ഷത്തെ ഒരു നേതാവ് പറയുന്നു. അങ്ങിനെ ഒരാള് എന്തും ചെയ്യാന് മടിക്കില്ലെന്നും നാളെ മുഖ്യമന്ത്രിക്കസേര കൂടി തൂക്കുമെന്നും ഇയാള് ഭയപ്പെടുന്നു. കോണ്ഗ്രസെന്നാല് പഴയകാല രാജഭരണം പോലെ ഒരു കുടുംബത്തിലെ ആളുകള് മാത്രം പ്രധാന അധികാരം കയ്യാളുകയും അവരെ സന്തോഷിപ്പിക്കുന്നവര്ക്കും സ്തുതിപാടുന്നവര്ക്കും മറ്റ് അധികാരസ്ഥാനങ്ങള് വീതിച്ചു നല്കുകയും ചെയ്യുന്ന പ്രസ്ഥാനമാണ്. പണ്ട് കൊച്ചിയിലെ തിരുത മീന് കറിവെച്ചും വറുത്തും നല്കി ഗാന്ധി കുടുംബത്തെ കയ്യിലാക്കിയ തോമസ് മാഷെ എറണാകുളത്തുള്ളവര് മറക്കില്ല.
കേന്ദ്രത്തില് എന്തായാലും കോണ്ഗ്രസ് അടുത്തകാലത്തൊന്നും ഭരിയ്ക്കില്ലെന്ന് രാഹുല് ഗാന്ധിയുടെ കൂടെക്കിടന്ന വേണുഗോപാലിന് അറിയാം. മോദിയുടെ കീഴില് ബിജെപി അനുദിനം ശക്തിയാര്ജ്ജിക്കുമ്പോള് ഒരു കേന്ദ്രമന്ത്രിസ്ഥാനം എളുപ്പമാകില്ല. അതിനേക്കാള് നല്ലത് ഉള്ളകാലത്ത് കേരളത്തിലെ മുഖ്യമന്ത്രിക്കസേര തന്നെയാണെന്ന് വേണുഗോപാല് കരുതുന്നു. കേന്ദ്രനീരീക്ഷകരായ താരിഖ് അന്വര് വരെ കഴിഞ്ഞ ദിവസം വേണമെങ്കില് വേണുഗോപാലിന് മുഖ്യമന്ത്രിയാകാം എന്ന് പ്രസ്താവിച്ച് വേണുഗോപാലിന് കളം ഒരുക്കുകയും ചെയ്തു. ഹൈക്കമാന്റിനെ ഭയന്ന് വേണുഗോപാലിനെതിരെ സതീശന് പക്ഷമോ ചെന്നിത്തല പക്ഷമോ മിണ്ടാതിരിക്കുന്നതും വേണുഗോപാലിനുള്ള സാധ്യത വര്ധിപ്പിക്കുകയാണ്.
മുസ്ലിം ലീഗിന്റെ ബിനാമിയായ സതീശന് ലീഗിനെക്കൊണ്ട് പറയിച്ചാണ് തന്റെ മുഖ്യമന്ത്രിക്കസേര ഉറപ്പിക്കാന് ശ്രമിക്കുന്നത്. ഘടകകക്ഷികളെക്കൊണ്ട് തന്റെ പേര് മുഖ്യമന്ത്രിസ്ഥാനത്തേക്ക് പറയിച്ചു എന്ന കുറ്റം ചാര്ത്തി സതീശനെ പൂട്ടാനാണ് വേണുഗോപാല് പക്ഷം ഇപ്പോള് ശ്രമിക്കുന്നത്.
കോണ്ഗ്രസിന്റെ ഈ അധികാരത്തര്ക്കവും കുടുംബരാഷ്ട്രീയവും ഇപ്പോള് തന്നെ കേരളത്തിന് മടുത്തിരിക്കുന്നു. ഇത്തരക്കാരെ ഇനി അഞ്ചുവര്ഷം എങ്ങിനെ സഹിയ്ക്കും എന്നാണ് കേരളീയര് ചോദിക്കുന്നത്.
